طفلان حضرت مسلم (ع)
.
✍️ زبدة الاشعار ✍️
.
🆔: @nohe_torki
.
#سبک_ویرانه_ده_نازلو_بالام
.
رمضانی (خاکی)
.
گل رحم ائله بو دلغمین طفلانه ای حارث
گوزده دونوب گوزیاشیمیز نیسانه ای حارث
.
.
بیز بی گناهوک باور ائت تقصیریمیز یوخدی
آزدی اگرچه سینیمیز غم غصه میزچوخدی
قلبه آدامسیزلیق غمی سر نیزه دی اوخدی
سالما اقلا سن بیزی طوفانه ای حارث
.
.
باخ گورنجه بیز اولموشوق غرق ملال وآه
غربت غمی دل یاندیران غمدی بیزه والله
قلب جهانی داغلیان بو محنت جانکاه
گوندوز قرادی بو ایکی نالانه ای حارث
.
.
سیزلرده بو نه خصلت و نه رسم و عادتدی
هرکیم سیزه مهمان اولور غرق مصیبتدی
آیری وطندن دوشموشوک بیر نچه مدتدی
غم محبسینده گلمیشوک بیز جانه ای حارث
.
.
روز جزایه هر بشر اولسا اگر قائل
اولماز مسلم بی گناه انسانلارا قاتل
پیغمبرین لطفی سنه اولماز یقین شامل
آتسون اگر ال خنجر عریانه ای حارث
.
.
باخ گورنجه گوزده دونوب القانه گوزیاشیم
آلاهه خاطر ال گتور کسمه منیم باشیم
آزقالدی ئولدورسون اوزون بو خیردا قارداشیم
گورنه سوزور گوزیاشلاری دامانه ای حارث
.
.
ای بی مروت دیده ی دهری پرآب ائتمه
ظلم و جفادن صبر ائوین گل سن خراب ائتمه
بو خیرداجا قارداشیمون قلبین کباب ائتمه
آهی ویریر اوت عالم امکانه ای حارث
.
.
قتله یتیرمه بی جهت ای معصیت کانی
کاکیلریمه ال آتیب آغلاتما زهرانی
هر میزبان ئولدورسه گر دنیاده مهمانی
عقباده عازمدی یقین نیرانه ای حارث
.
.
قلبین وطنده لشگر غصه آلیب چوخدان
ناله صداسین دمبدم عرشه سالیب چوخدان
بی کس آنامین گوزلری یولدا قالیب چوخدان
ایله ترحم مادر گریانه ای حارث
.
.
من عاشقم جان بذل ائدم رازو نیاز ئوسته
عاشق گرک وصله چاتا سوزو گداز ئوسته
ئولدی حسین فاطمه عطشان نماز ئوسته
مهلت وئر ایلیم اقتدا سلطانه ای حارث
.
.
هر یر لجن زار اولسا گر جز مزبله بیتمز
آلله یانیندا ساجدین اجری یقین ایتمز
بنده عبادت سیز بلی آمالینه یتمز
قوی سجده ایلوم خالق سبحانه ای حارث
.
.
#طفلان_مسلم #رمضانی_خاکی
#اصحاب_الحسین
#گل_رحم_ائله_بو_دلغمین_طفلانه_ای_حارث
#ترکی
.
✍️ #زبدةالاشعار ✍️
.
🆔: @nohe_torki
نظر دهید