حالات حضرت قاسم (ع)
.
✍️ #زبدةالاشعار ✍️
.
🆔: @nohe_torki
.
#سبک_ای_باد_صبا … 7 سبک
.
.
آسال اردبیلی
.
گل زینبیم آل قاسمیمی قلبیم اولوب قان
دامادیم اولوب طوی گونی أوز قانینه غلطان
.
.
عالملری حیران ایلیوب غیرت قاسم
اکبردن آغیر گلدی منه محنت قاسم
باخ گور نه حالا قالدی باجی قامت قاسم
پامال ایلیوب پیکرینی لشکر عدوان
.
.
گویا یوخوموش ذره وفا قوم دغاده
اول قدری قاچوبلار بدنی اوسته مناده
قدّی اوزانوب اولمادی یِر باری عباده
گلدی الیمیز اوسته خیامه بو لب عطشان
.
.
بو غم منه بیر محنت کبری و عظیم دی
بو غمده منه صبر ویرن حی کریم دی
اوخشا بونی سن یاخجی باجی چونکی یتیم دی
سنده آناسی مثلی ایله ناله و افغان
.
.
أولدورمگه دامادیمی اشرار تلسدی
گیتدیم باشینون اوسته دیدیم غم داخی بسدی
گوردوم یارالی پیکرینی دیزلریم اسدی
گوز یاشیم آخوب صورته چون سیل خروشان
.
.
جسمین ایلیوب قوم دنی گول کیمی پرپر
ظلمیله انوب باشینه حیدر کیمی خنجر
میداندا گل یاسیم اولوب لالیه بنذر
بیر گول بویانوب قانه باتوب یاسه گلستان
.
.
بو دشت بلانون چوخ اولوب درد و بلاسی
قانه بویانوبدور حسنون نازلی بالاسی
یاندردی منی قاسمیمون الده حناسی
قانیله حنا یاخدی اله اول مه تابان
.
.
جسمینده باجی یاره اولوب یاریه مرهم
أولدوردی بونی قدرت دیناریله درهم
خنجر ایلیوب تللرینون نظمینی برهم
قانه بویانوب خنجریلن گیسوی افشان
.
.
بیر حاله قالوب پیکر خوش منظری زینب
گورسه اونی بو حالدا اگر مادری زینب
والله تانیماز بو بولونن پیکری زینب
هر یاره سی بیر اوخ تک ایدوب قلبیمی ویران
.
.
قالموبدی طراوت داخی هیچ باغ و چمنده
قان ایلدی گوز یاشیمی ادرکنی دیینده
گیتدیم باشی اوسته یوخودی روحی بدنده
پای پای بولونوب پیکری چون آیۀ قرآن
.
.
گیت زینبیم الآن آناسین باخبر ایله
سسله بالوون جسمینه گل بیر نظر ایله
آغلا گوزوون یاشینی زیبِ بَصَر ایله
ویر باشووه ناله ایله ای مام پریشان
.
.
هیچ غم اولا بیلمز بو غم اعطمه بیر تای
قاسم أولومی عرش خداونده سالوب های
چال قانینه عطشان بویانان قاسمه لایلای
صبرون ایوینی غارت ایدوب محنت هجران
.
.
.
.
#قاسمیه #آسال_اردبیلی
#قاسمیه_شهادت
#گل_زینبیم_آل_قاسمیمی_قلبیم_اولوب_قان
#ترکی
.
✍️ #زبدةالاشعار ✍️
.
🆔: @nohe_torki
نظر دهید