زبدةالاشعار

گل عم اوغلی تاپشیرور جان سینه سینده یاره زهرا #فاطمیه_شعاع_تبریزی

زبانحال حضرت زهرا(س)
.
.
.
مرحوم شعاع تبریزی
.
.
گل عم اوغلی تاپشیرور جان سینه سینده یاره زهرا
سینه داغلی دل شکسته محضر نگاره زهرا
.
.
دوقوز ایل اگر چه اولدوم آفتاب برج عصمت
بسلدیم بو گلستاندا گل ارغوان و سوسن
یاسمن گولومدی مندن صورا غمگسار گلشن
حیف اولا دوشور چمندن الی بوش کناره زهرا
.
.
ئولورم یتوبدی باشه بولورم بو عمر فانی
غسلومی وئروب کفن قیل منه سن گئجه زمانی
قوی مزاره نصف شبده قبریمی ائله نهانی
بولمسونله هاردا قویدی یوز تراب تاره زهرا
.
.
نئجه که قاپی دالیندا منی قویدی جانی سخدی
محسنوم شهید اولاندا شیونیم سمایه چخدی
سینه مه یتیشدی صدمه صبر ائوین او یاره یخدی
دوشدی جور اشقیادن حال احتضاره زهرا
.
.
آخموری سرشک دیدم بی جهت عذاره چون یم
دولموری عبث ملال و محنتیله غملی سینم
گوز ائوینده کربلاسی بالامون اولور مُجسّم
نگران گئدور او گوندن محضر نگاره زهرا
.
.
منجنیق غمده اعدا دل زینبی سخالّار
ئولدوروب حسینی عطشان دین ائوین علن یخالّار
او یارالی سینه اوسته چکمه لی یقین چخالّار
شمر الین دوتاندا زینب گلر اول دیاره زهرا
.
.
گتورور منی عم اوغلی بو اسفلی قصّه داده
اورگیم یانور دوشنده ماجرای کوفه یاده
سیر ائدر عراق و شامی بالامون باشی جداده
آردیجا دوشر او باشین دشت و کوهساره زهرا
.
.
چکولر قطار زینب بزم شربه دست بسته
او باشی که سینه سینده بسله دی بو دلشکسته
او یارالی باشی خولی قویاجاقدی کولّر اوسته
نئجه کولّر اوسته ایلر او باشا نظاره زهرا
.
.
غرق اولوب «شعاع» عم اوغلی بحر غمده ایله اخراج
خرمن قرار صبرین فوج غم ائدوبدی تاراج
توخونار منه گر اولسا نوکریم بو خلقه محتاج
گرک ایلسون حمایت سائل فگاره زهرا
.
.
#فاطمیه #شعاع_تبریزی
#فاطمیه_شهادت
#گل_عم_اوغلی_تاپشیرور_جان_سینه_سینده_یاره_زهرا
#ترکی
#زبدةالاشعار

متن پیشنهادی:  جلوه گر شد نور ایمان از جمال محمد #17ربیع_بیدقداری

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی