شهادت حضرت زهرا (س)
.
✍️ #زبدةالاشعار ✍️
.
🆔: @nohe_torki
.
مرحوم #دلریش
.
گل عم اوغلی سر بالينيمه نالان ئولورم
يتيشوب باشه اجل زار و پریشان ئولورم
.
.
واردی بیر نئچه سؤزوم کشفینه مانعدی حیا
اذن وئر عرض اندوم ای شاه شه هر دو سرا
جان سنون جان بو حسین و حسنون صبح و مسا
قویما چوخ ایلیه لر ناله و افغان ئولورم
.
.
بیرده عرضیم بودی شاها گئجه وئر غسل منه
گئجه دفن ایله گیلن گرچه بو زحمتدی سنه
قويما غصه يتيشه أوغلوم حسین و حسنه
قالدی باش سیز بو ایکی سرو خرامان ئولورم
.
.
اهل کين ئولمگیمی گر بوله راضی دگولم
منه ظلم ایلیوب هر کیم گله راضی دگولم
گر نمازه دورا بو سلسله راضی دگولم
پوزدیلا سلسله می دیده سی گریان ئولورم
.
.
زینبی قهریله دیندیرمه او چوخ زار اولاجاق
چوخ جفالر چکه جان دیده سی خونبار اولاجاق
دست بسته گئده جاق شامه گرفتار اولاجاق
او مصیبتدن اولور ایندی گوگول قان ئولورم
.
.
آل حسینی گئجه لر یانیوه ای شاه زمن
ایستین وقته سو تئز وئر بو مه انوره سن
یوخدی تابی عطشه بو گلعذارون بولوسن
اولمارام راضی قالا لحظه ای عطشان ئولورم
.
.
سنه یا فاطمه بو شیعه لرین جانی فدا
هاردا قالمیشدون او گون پادشه کربوبلا
یارالی ایستی قوم اوسته دئدی ای اهل جفا
رحم ائدون اولدی عطشدن جگریم قان ئولورم
.
.
رحم ائدن اولمادی هئچ زمرۂ کافردن اونا
دمبدم جور و جفا يتدی او لشگردن اونا
وئردی سو شمر ستمگر دم خنجردن اونا
دئدی چوخدا دئمه أي قانینه غلطان ئولورم
.
.
آه او وقتدن یارالی پیکریله شاه حجاز
ایستدی ایلیه معبودیله بیر راز و نیاز
قانلی توپراقلاری ایلوب اوزینه جای نماز
دئدی باش سجده ده جانانه وئروب جان ئولورم
.
.
ائتدوگوم عهديله پیمانه بوگون لا دئمرم
اوخ اوخ اوستن وورالار جسمیمه ایذا دئمرم
حقّیدن غیر بو سوداده من الا دئمرم
أوزی آگاهیدی بو مطلبه جانان ئولورم
.
.
فانيدور حشمت دنیا هامی بو جاه و جلال
عشق اولان یرده ندور باشیله جان اهل و عیال
طالب وصل خدایم من اونا یوخدی زوال
باغلانوب چونکه ازل گونده بو پیمان ئولورم
.
.
هر کیم ایستر تاپا عالمده گوزی نور و ضیا
صدقیله اولسون عزادار شه کربوبلا
«دلریشا» ورد زبان ائت بو سؤزی صبح و مسا
گل عم اوغلی سر بالينيمه نالان ئولورم
.
.
.
#فاطمیه_دلریش
#فاطمیه_شهادت
#گل_عم_اوغلی_سر_بالينيمه_نالان_ئولورم
#ترکی
.
✍️ #زبدةالاشعار ✍️
.
🆔: @nohe_torki
نظر دهید