گل ننوعی گور درد فرقتون ایلیوب منی باغریقان اوغول #کاظمیه_صحاف_تبریزی

زبانحال حضرت امام کاظم (ع)
.
✍️ #زبدةالاشعار ✍️
.
🆔: @nohe_torki
.
.
#سبک_ساخلا_ناقه_می_کاروانیدن … 8 سبک … گل اتاقی بیر خلوت ایلیاق … گئتمرم دایان گئتمه ساربان … نقش من چرا … و …
.
.
مرحوم حاج محمدحسین جنتی مقام
.
.
گل ننوعی گور درد فرقتون
ایلیوب منی باغریقان اوغول
تئز یتور اؤزون آز قالور وئرم
حسرتیله زنداندا جان اوغول
قویما چوخ منی ناگران اوغول
.
.
اون بیر ایلدی هارون بی حیا
ایلیوب وطندن منی جدا
مونسیم اولوب شیون و نوا
همدمیم بو مدّت فغان اوغول
.
.
یانّام آغلارام ایلرم فغان
یوخدی بیر نفر حالیمه یانان
صبح و شام اولور گوز یاشیم روان
وار نه چارم ای مهربان اوغول
.
.
گر چه بو غمیله خوشام اؤزوم
لیک هجریوه دلده یوخ دؤزوم
وار سنه بو جان اوسته چوخ سؤزوم
بیر به بیر ائدوم گل بیان اوغول
.
.
گل دویونجا بیر عطریوی آلوم
حسرتیله قول بوینووا سالوم
اولما راضی حسرتده من قالوم
آخرین نفسده جوان اوغول
.
.
غصّه دن سولوب رنگ صورتیم
عارضه آخار اشک حسرتیم
بو ملال و رنج و مصیبتیم
قویموب اؤرکده توان اوغول
.
.
ائتمرم عبث من بو قدری داد
وار بو داد و آهیمده امتداد
ایلدوقجا جدّیم حسینی یاد
غم ائدر منی باغریقان اوغول
.
.
جان وئرنده سلطان کربلا
آلدی دوره سین قوم اشقیا
بسکه جسمینه ووردولار یارا
اولدی قانی سو تک روان اوغول
.
.
دوندروبله آلقانه گوز یاشین
کسدیلر قفادن سوسوز باشین
گلدی باجیسی تاپدی قارداشین
گون ائوینده بی سایبان اوغول
.
.
قانلو نعشینه باخدی آغلادی
سیل اشکی رخساره باغلادی
سوز آهیله سینه داغلادی
کاش اولیدی ویران جهان اوغول
.
.
صبح و شامی «#صحاف» ائدر نوا
صدقیله دوتار جدّیمه عزا
اجرینی اونون ایلسون عطا
خالق زمین و زمان اوغول
.
.
.
.
#کاظمیه_شهادت
#گل_ننوعی_گور_درد_فرقتون
#صحاف_تبریزی
#ترکی
.
✍️ #زبدةالاشعار ✍️
.
🆔: @nohe_torki