استمداد حضرت علی اکبر علیه السلام
.
✍️ #زبدةالاشعار ✍️
.
🆔: @nohe_torki
.
مرحوم غلامعلی باقری الهام (هوشی تبریزی)
.
گل هرایه ظلم الیله زخمدار اولدوم بابا
دین و قرآنه بو چولده جان نثار اولدوم بابا
.
.
ایلدیم قرآنه قربان من بو چولده جانیمی
ایستدیم راضی سالام بو دشتیده جانانیمی
تشنه لب توکدی اگر چه خصم ناحق قانیمی
تا جهان وار لیک صاحب افتخار اولدوم بابا
.
.
اولدوم آماده بو گون اسلامه خدمت ایلیم
سن ایدن بیر نهضته بو چولده شرکت ایلیم
ویرماقا باش دین و قرآن اوسته همت ایلیم
باش ویروب اوز زینتیمده استوار اولدوم بابا
.
.
چوخ تلاش ایتدیم ازلکی عهدیمین ایفاسینه
شرح یازدیم قانیله لفظ وفا معناسینه
جسمیمی غرق ایلدیم بو چولده قان دریاسینه
تا همین دریاده درّ شاهوار اولدوم بابا
.
.
لازم و ملزومیدی بو چولده قانه باتماقیم
حفظ حیثیتدن اوتری کونی گوزدن آتماقیم
خلقی بیدار ایلدی قان ایچره یورقون یاتماقیم
نه گوزل موقعده دینه جان نثار اولدوم بابا
.
.
ای شه دنیا و دین ای شهریار ذوالحشم
وی دم پاکی ویرن عالمده مین عیسایه دم
جان بکف دین اوسته قویدوم عرصۀ عشقه قدم
جمله جانبازان دینه هم قطار اولدوم بابا
.
.
سندن آلموشدوم ازل شهزاده لیق سرمشقنی
دینین استقلالینه دلداده لیق سرمشقنی
لیک ویردیم عالمه آزاده لیق سرمشقنی
فدیۀ منظور پاک شهریار اولدوم بابا
.
.
قانیله دولدوردولار گر چشم گوهر باریمی
آخدی باشیم قانی الوان ایلدی رخساریمی
لوح دلده نقش ایدوب عکس رخ دلداریمی
عاقبت محو جمال حسن یار اولدوم بابا
.
.
سالکان عشقه همگام اولدوم ای شاه انام
کسب قیلدیم عالم عشقونده بیرعالی مقام
حیف اولا امّا اوغولسوز قالدی بو چولده آنام
حسرتیم آرتدی گوگلده اشکباراولدوم بابا
.
.
ای بابا ای گلشن دینه وفالی باغبان
یوز ویروب گلزاریوه گَل آفت باد خزان
آچدی گلچین اللری تالانه گیتدی گلستان
بیر گُلم بو دشتیده مقهور خار اولدوم بابا
.
.
درک ایله جان اوسته گَل بو تشنه لب دلداریوی
حسرت ایلر چون سنون هر جان ویرن دیداریوی
شایقم منده بو صون دمده گورم رخساریوی
حسرت دیداریوله انتظار اولدوم بابا
.
.
«هوشی» حبّ دینیله جام دلون سرشار ایله
غالب ایله نفسه عقلی نفس دونی خوار ایله
بو سوزون اکبر دیلینجه بیرده یاز تکرار ایله
گل هرایه ظلم الیله زخمدار اولدوم بابا
.
.
.
#اکبریه_هوشی_تبریزی
#اکبریه_شهادت
#گل_هرایه_ظلم_الیله_زخمدار_اولدوم_بابا
#ترکی
.
✍️ #زبدةالاشعار ✍️
.
🆔: @nohe_torki
نظر دهید