زبانحال حضرت ام البنین (س) با حضرت ابوالفضل (ع)
☑️ سوال و جواب
☑️زبانحال حضرت ام البنین سلام الله علیها:
#گل_کرب_و_بلادن_منه_بیر_آغلا_ابالفضل
☑️ متن جواب حضرت ابالفضل علیه السلام:
#اوچ_پر_دیوب_اوخ_گوزلریمه_آغلیا_بیلمم
.
اصغر #الماسی_اهری
.
.
☑️زبانحال حضرت ام البنین سلام الله علیها
.
گل کرب و بلادن منه بیر آغلا ابالفضل
یانمیش سینوی محنتیمه داغلا ابالفضل
.
جان اوسته آنان ،قبر ائوینه گئتمه میش اوغلوم
گل الّریویله گوزومی باغلا ابالفضل
.
.
.
.
پایانه چاتوب عمروم اوغول دادیمه تئز گل
گل حالِ پریشانیمی سن ایله محوَّل
هیجرونده اوغول ساچلاریم آغ اولدی مدلّل
بیر الّریوی قوی سینمه سوهرا ده دینجل
.
گل کرب و بلادن منه بیر آغلا ابالفضل
گل الّریویله گوزومی باغلا ابالفضل
.
.
.
.
هئچ بیلمزیدیم اوغلی اولَنلَر نه چکیلّر
یانمیش سینییه غملی بلادن نه اکیلّر
هر صبح مسا آخشاماجان قان یاش اَلیلّر
بیلدیم کی نیه سینه لرون غمده دَلیلّر
.
گل کرب و بلادن منه بیر آغلا ابالفضل
گل الّریویله گوزومی باغلا ابالفضل
.
.
.
.
عبدوالَّهیوه من دئمیشیدیم گله جاقسان
نازین ده چگیب، گوز یاشینی هم سیله جاقسان
بیر گون اولاجاق کی آتاویله گوله جاقسان
هئچ بیلمزیدیم کربوبلاده اوله جاقسان
.
گل کرب و بلادن منه بیر آغلا ابالفضل
گل الّریویله گوزومی باغلا ابالفضل
.
.
.
.
زینب گتیروبدور منه سندن علم اوغلوم
فیکرون منی هئچ قویمادی بیر دم گولم اوغلوم
شرح ائتدی نجور قولّارین اولدی قلم اوغلوم
بیر بیله مصیبتده گرگدیر اولم اوغلوم
.
گل کرب و بلادن منه بیر آغلا ابالفضل
گل الّریویله گوزومی باغلا ابالفضل
.
.
.
.
فخر ایلیورم اوغلوم علمدار حسیندور
من نوکر زهرا او مددکار حسیندور
هم عاشق دلبسته دی،غمخوار حسیندور
هم کربوبلاده او سپهدار حسیندور
.
گل کرب و بلادن منه بیر آغلا ابالفضل
گل الّریویله گوزومی باغلا ابالفضل
.
.
.
.
.
.
#سبک_ای_باد_صبا … 7 سبک
.
.
.
#حضرت_ام_البنین
#ترکی #الماسی_اهری
#زبدةالاشعار
نظر دهید