زبان حال حضرت سیدالشهداء (ع)
خطاب به خواهر
در شهادت طفل شش ماهه اش
.
✍️ #زبدةالاشعار ✍️
.
🆔: @nohe_torki
.
مرحوم تائب تبریزی
.
.
گل کناره ای آنام یادگاری زینبم
آل الیمدن اوخلانان شیر خواری زینبم
ویر غریب آناسینا اوخلانان بالاسینی
اوخشاسین بالاسینا باغلاسین یاراسینی
.
.
.
گوزلور اوغلونی رباب ایمدی انتظاریله
گوزلرین تیکوب یولا حال انکساریله
بولمور اوخلیوبدیلر تیر زهرداریله
اگلشوب بوغازینا زخم کاری زینبیم
.
.
گوردی مرغ روحینین تنگ آشیانه سین
صاق صولا دولاندیروب چشم آهوانه سین
رمزاً ایلدی بیان العطش ترانه سین
گتدی رقّته او نور اهل ناری زینبیم
.
.
گوردیلر من آغلادیم باخدی اصغر آغلادی
اولدی همنوا بیزه قوم کافر آغلادی
سس سسه ویروب اودم هامی لشکر آغلادی
چخدی دشمنین گویه آه و زاری زینبیم
.
.
حرمله ایدوب عیان کینه نهانینی
کینیله آلوب اله تیریله کمانینی
رد ایدوب کمان دن تیر جانستانینی
اوخلادی الیمده بو شیرخواری زینبیم
.
.
اوخ آتان قولی قوی اوخ سه شعبه زهردار
اوخلانان ولی سوسوز بیر ضعیف شیرخوار
اوچی سنگدل شقى سودامر اوشاق شکار
گورمیوب جهان بیله بیر شکاری زینبیم
.
.
اوخلانوب ستاره تک آخدی گتدی اصغریم
گوزلری آخا آخا باخدی گتدی اصغریم
باخدی یاندیروب منی یاخدی گتدی اصغریم
یاندیروب او حسرتی بو فگاری زینبیم
.
.
چوخ فرحله اوخلانوب اؤلدى سودامر بالام
لذت شهادتی بولدی سودامر بالام
باخدی نازیله منه گولدى سودامر بالام
ایتدی عشقینی بیان احتضاری زینبیم
.
.
بیر غریب و بی کسم یوخدی قیدیمه قالان
بیر آدامسیزام منی یوخدی یادینه سالان
نعش شیرخواریمی یوخدی بیر نفر آلان
گل بالامی آل آنام یادگاری زینبیم
.
.
باخبر ایله اؤزون اصغرین آناسینی
ویر قوجاقینه اونون سودامر بالاسینی
أوخلانان بوغازنیین باغلاسون یاراسینی
اوخشاسون دویونجا بو زخمداری زینبیم
.
.
نوحه خوان هدایته یتدی حق هدایتی
یازدیروبدی تائیه بیله بیر کتابتی
بیرده خوشدی ذکر ائداخ دل یاران مصیبتی
آل الیمدن اوخلانان شیرخواری زینبیم
.
.
.
.
#اصغریه_تائب_تبریزی
#اصغریه_شهادت
#گل_کناره_ای_آنام_یادگاری_زینبم
#ترکی
.
✍️ #زبدةالاشعار ✍️
.
🆔: @nohe_torki
نظر دهید