خروج از مدینه
زبانحال فاطمه صغرا(س)به علی اکبر(ع)
.
✍️ #زبدةالاشعار ✍️
.
🆔: @nohe_torki
.
#سبک_ای_باد_صبا … 7 سبک
.
مرحوم #عاصی_تبریزی
.
گل گئتمه عراقه على قارداش باجون ئولسون
گئتسن توکرم عارضه قانیاش باجون ئولسون
.
.
یوخدور بولوسن منده توان درد فراقه
ترک سفر ائیله علی گل گئتمه عراقه
دل خسته ام عفو ائیله دورا بولمم ایاقه
گل گئتمه عراقه علی قارداش باجون ئولسون
.
.
سالما منی گوزدن علی قارداش سن اماندور
گور سیل سرشگیم نئجه رخساره رواندور
قارداش باجيوی باشیوه دور بیرجه دولاندور
گل گئتمه عراقه علی قارداش باجون ئولسون
.
.
بیجا دگول اشگیم بئله جاریدی عذاره
فکر ائیلرم ئولسم که قویان یوخدی مزاره
بالله بولورم اولماز علی دردیمه چاره
گل گئتمه عراقه علی قارداش باجون ئولسون
.
.
قارداش نه روا گئتسون هامی قوم و قبیله
بیر کیمسه نشان قالماسون آخر بو عليله
مشگلریم آسان اولی بس هانسي اليله
گل گئتمه عراقه علی قارداش باجون ئولسون
.
.
مشگلدی وطنده علی قارداش منه سنسیز
باخمام داخی دنیاده گل و گلشنه سنسیز
بوش گورّم اطاقون گلرم شیونه سنسیز
گل گئتمه عراقه علی قارداش باجون ئولسون
.
.
سانما علی سندن صورا صغری اولی دلشاد
هیهات اولام محنت و غم غصه دن آزاد
من بی کسی سنسیز داخی بیرده کیم ائدر یاد
گل گئتمه عراقه علی قارداش باجون ئولسون
.
.
سن آغلاما قارداش او گوزون یاشنه قربان
چوخ صعبدی عاشق گوره معشوقنی گریان
واردور یری من حشره کیمی ائیلسم افغان
گل گئتمه عراقه علی قارداش باجون ئولسون
.
.
واردور سنه بیرجه سوزوم ای ماه مدینه
سندن صورا کیم مونس اولور بس بو حزينه
سویله علی قالسون منیله باری سکینه
گل گئتمه عراقه علی قارداش باجون ئولسون
.
.
قارداش آناسیزلیق غمی بسدور من زاره
هجران اودینا گل منی سن سالما دوباره
قربان او قرا فاشلارا اول چشم خماره
گل گئتمه عراقه علی قارداش باجون ئولسون
.
.
یوخ تاب دوروم بیر دولانوم باشيوه قارداش
نه چاره ائدوم فرقتوه بس منی کُلباش
بو گوندن ازل باجون ئوليدي سنون ایکاش
گل گئتمه عراقه علی قارداش باجون ئولسون
.
.
لیلا گئدوری سنده گئدورسن علی بولم
قالمام داخی دنیاده بو دردیله من ئولم
هجرونده سنون صبح و مسا نالیه گلم
گل گئتمه عراقه علی قارداش باجون ئولسون
.
.
قارداش بولوسن بوخدور آنام حالیمه یانسون
کیم واردی یتيمم منیم احواليمه یانسون
واردور یری هر کس گوروب اقبالیمه بانسون
گل گئتمه عراقه علی قارداش باجون ئولسون
.
.
رحم ائیله اماندور منه ای یار حبیبیم
شدت ائليوبدور مرضیم یوخدی طبیبیم
وصلون بولورم اولمیاجاق بیرده نصیبیم
گل گئتمه عراقه علی قارداش باجون ئولسون
.
.
گلمزدی خیاله کسه سن مندن علاقه
صغرانی قویوب سن گئده سن قارداش عراقه
جانیم یتشوبدور على باللهی دوداقه
گل گئتمه عراقه علی قارداش باجون ئولسون
.
.
بیر ائل گئده قارداش بو خداونده دگول خوش
تک ایوده فالا بير قيز عیالی اوزی ناخوش
گورسون نئجه صغری که قالوب بیرده یرون بوش
گل گئتمه عراقه علی قارداش باجون ئولسون
.
.
عاصی سنی سوز صاحبی مطلق ائدوب ارشاد
سن صدقیله یاز نوحه ائدر اوزلری امداد
صغری دلیجه یاز بوسوزی ائتگله فریاد
گل گئتمه عراقه علی قارداش باجون ئولسون
.
.
#گل_گئتمه_عراقه_على_قارداش_باجون_ئولسون
#ترکی
.
✍️ #زبدةالاشعار ✍️
.
🆔: @nohe_torki
نظر دهید