زبدةالاشعار

گل یثربه قالمیش آنون بی یار ابوالفضلیم #حضرت_ام_البنین_آسال_اردبیلی

زبانحال حضرت ام البنین سلام الله علیها
.
.
#سبک_ویرانه_ده_نازلو_بالام
.
.
آسال اردبیلی
.
گل یثربه قالمیش آنون
بی یار ابوالفضلیم
تکجه بالون اولموش منه
غمخوار ابوالفضلیم
.
.
سندن سورا آمالیمون
کاخی تالان اولدی
دوشدی صفادن گلشنیم
باغیم خزان اولدی
ام البنینون گوزیاشی
هجرونده قان اولدی
صبح و مسا آلامووه
آغلار ابوالفضلیم
.
.
غمدن آغاردی ساچلاریم
ای ساقی عطشان
زینب دیور اوز قانینه
اولدی بالون غلطان
سینمیش باشا دوشموش قولا
بی کس آنون قربان
سالمیش نه حاله جسمووی
اشرار ابوالفضلیم
.
.
سن سیز اولوب گوندوز منه
شام سیاه اوغلوم
همدم اولوب الآن منه
افغان و آه اوغلوم
قانلی گوزونلن ائت منه
بیرجه نگاه اوغلوم
بیرده سنیلن کاش ایدم
دیدار ابوالفضلیم
.
.
گوزلور گوزوم هر آن سنی
ای مه جمالیم گل
قانه دونوبدور گوز یاشیم
پوزقوندی حالیم گل
ای قان ایچینده غرق اولان
قانلی هلالیم گل
باشسیز اولان دین حقه
سردار ابوالفضلیم
.
.
زهرایه خاطر آی بالا
بو بی کسی آتما
آی تک کنار نهریده
ای باوفا باتما
تک قویما غربتده منی
افلاکی آغلاتما
غربتده یوخ بی یاوره
غمخوار ابوالفضلیم
.
.
چرخ جفاپیشه سنی
آیری سالوب مندن
بیر مشک و بیر قانلی علم
چاتمیش منه سندن
زهرا کیمین ذکریم بودور
جانیم چیخا تندن
الدن آلوبدی صبریمی
اغیار ابوالفضلیم
.
.
.
قربان کیمین جسمون اولوب
اوغلوم سنون پای پای
گوزیاش آخور گوزدن منیم
رخساریمه چای چای
چالام ستملن دوغرانان
گل جسمووه لای لای
جانان یولوندا ایلدون
ایثار ابوالفضلیم
.
.
#حضرت_ام_البنین
#گل_یثربه_قالمیش_آنون_بی_یار_ابوالفضلیم
#آسال_اردبیلی
#ترکی
.
.

متن پیشنهادی:  بذل جان جانانه ازّل گون شه خوبان دیوب #حسینیه_بیضا_اردبیلی

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی