شهادت حضرت جواد الائمه علیه السلام
.
✍️ زبدة الاشعار ✍️
.
🆔: @nohe_torki
.
حاج روح الله رمضانی
.
گنه اورکده بوگون درد و غم اولوب ایجاد
شهادتون یتشوبدور ایا امام جواد
یری وار اولمیا شیعه ئولن گونه کیمی شاد
بو دهریده سنه چون ظلم بی نهایت اولوب
عیالوون طرفیندن بیوک خیانت اولوب
.
.
جوانیدون هله عمرون یتیشمه میشدی باشا
جهاندا چاتمیشیدون تازه ایرمی بش یاشا
عیالوون سنه نسبت اورگی دوندی داشا
عداوت و حسد و کینه سین ایدوب علنی
ویروبدی زهر جفا سنه او شوم و دنی
.
.
سنونده گلدی غمونده گوی اهلی فریاده
غم امام حسن دوشدی تازدن یاده
ایووزده ظلم اولونوب سیزلره بو دنیاده
سنونده جدون حسن تک وجودون اودلاندی
سنونده زهر اثریندن جگرلرون یاندی
.
.
سنونده محرمون اولدی ایوونده نامحرم
سنونده غربتوه گوز یاشی آخور نم نم
سنونده آغلادیلار حالوه ایکی عالم
سنونده زهر اثری گوردیلر جمالونده
سنونده هیچ یوخوموش عاطفه عیالونده
.
.
سنه ده اولمادی اوز منزلونده امنیت
حسن کیمی ایلدون دار فانیدن رحلت
سنه ده اولمادی هیچ جان ویرنده سو قسمت
ایوونده یار اولوب اغیار سن وحید اولدون
حسین کیمی سن آقا تشنه لب شهید اولدون
.
.
سنونده گلشنوه صرصر خزان اسدی
جفای زهر ولی دشمنون دیدی بسدی
باشوی هارداسنون شمر دون گلوب کسدی
سنون کی کوینگوی جان ویرنده سویمادیلار
باشوی تندن اوزوب تنوره قویمادیلار
.
.
قالاندا گون قاباقیندا سنون او گل بدنون
واریدی شکر اولاحقه بدنده پیرهنون
نه غارت اولدی لباسون نه بوریا کفنون
نه ازدی سینوی آتلار ایاقی مقتلده
نه قالمیشیدی الون دست شوم بجدلده
.
.
آپارما مطلبی کرب و بلا حکایتینه
یازاندا مستمعین باخ اورکده طاقتینه
اشاره کافیدی (خاکی) حسین مصیبتینه
اشاره ایله قوتار قیل حذر آچیخ سوزدن
آچیخ سوز اولسا بیان قان گرک گله گوزدن
.
.
#جوادیه_شهادت
#گنه_اورکده_بو_گون_درد_و_غم_اولوب_ایجاد
#ترکی
.
✍️ #زبدةالاشعار ✍️
.
🆔: @nohe_torki
نظر دهید