در مجلس عزای یکی از نوکران حسینی
.
✍️ زبدة الاشعار ✍️
?: @nohe_torki
.
محمد باقر محمد زاده قومیان ( غمگین )
.
گنه بو مجلس غم دلدن اختیار آپارور
حصار صبری یخور طاقت و قرار اپارور
.
دوشنده یاده ئولن نوحه خوان و شاعر لر
ئورک الولانوری آتش شرار اپارور
.
اولور نظرده مجسّم اسفلی بیر مطلب
آلور قراریمی الدن نقدر وار آپارور
.
بو مجلسی که حسین نوکرینه برپادور
همیشه رحمت او مرحوم دلفکار آپارور
.
حسین آدیلا حسین نوکرینی یاد ایلیون
حسینه خاطر اونون روحی افتخار آپارور
.
او اربعینی گلردی همیشه هیئتیله
گوزی قالوب بیله مجلسده انتظار اپارور
.
حسینی لر اونی یاددان چخارتماز عالمده
گلنلرین هاموسی اجرین اشکبار آپارور
.
ائدوبله شرکت عموماً مجاور و زوّار
بو امتیازی حسینی لر هر نه وار آپارور
.
اگر چه گلمدی بو ایل زیارت ایلماقا
اونی قوناق چاغروب ایمدی هشت و چار اپارور
.
حسین نوکرینه اولسا دین و تقواسی
حسینه آند اولا فردوسه کردگار آپارور
.
گرک بو منصب شاهانه نین بُلاق قدرین
قیامتین گونی اوددان بیزی کنار آپارور
.
جزا گونی اولی زهرا شفیعۀ محشر
ئوزی حسینی لری جنّته یغار آپارور
.
ئولونجه آغلا حسین دامنیندن ال چکمه
بو آستانیه هر کیم ئوزون سالار آپارور
.
.
#اربعین_رضویه
.
اولار که طوسه اوزاق یولدان اربعینه گلور
مجاوریندن اضافه جزا اولار آپارور
.
اولان مشرف امام رضا زیارتینه
ئورکده حسرت کرب وبلاسی وار آپارور
.
او آلتی گوشه مزاره یتشمیوبدی الوز
گولوندن آیری دوشن بلبل آه و زار آپارور
.
بو آستانه که توپراقی توتیادور اونون
بجای سرمه گلور حوریان غبار آپارور
.
بو آستانیه شاه و گدا قویار یوزونی
که غبطه زائرینه جمله شهریار آپارور
.
دورون گیئداق هاموموز روضۀ مقدسینه
ئوپاق ضریحینی کیم ئوپسه افتخار آپارور
.
.
#اربعین
.
بو یرده یاده دوشور شامدن گلن زوار
یتوبله کرب وبلایه هامی فکار آپارور
.
هره سالوب ئوزونی توزلی بیر مزار اوسته
حسین مزارینه ده زینبی گذار آپارور
.
یانخلی دیللریله قارداشا دیوب دردین
رباب طاقتینی لیک شیر خوار آپارور
.
علیّ اکبر لیلا سریه قاسمینه
کنار علقمه کلثومی اشکبار آپارور
.
اوزون سالوبدی ابوالفضل قبرینه کلثوم
ئورک سوزون دئماقا قلبی چوخ فشار آپارور
.
حسینه ایلسه هر کیمسه گوز یاشین جاری
همان او گوز یاشینی توشۀ مزار آپارور
.
سوزون نه یاخشی یره یتدی «غمگین» اولما ملول
دوتار الوندن ابوالفضل نامدار آپارور
.
#پندیات_ختم_خوانی
#عزای_نوکر_حسینی
#گنه_بو_مجلس_غم_دلدن_اختیار_آپارور
#ترکی
#غمگین
#ترکی
.
✍️ #زبدةالاشعار ✍️
?: @nohe_torki
نظر دهید