حالات حضرت امام حسن مجتبی (ع)
.
✍️زبدةالاشعار✍️
.
🆔: @nohe_torki
.
.
محمد رضا بیگلی(رضوی زنجانی)
.
گنه ده مرغ دلیم مهر و وفادن دانشور
شهر یثربده اولان ماه لقادن دانشور
فاطمه سویگُلی انوار خدادن دانشور
سینه سنیده اوگُلی بسلدی زهرای بتول
لب یاقوتین ئوپوب دویمازیدی ختم رسول
.
.
نیمه ماه صیامیده سالوب عالمه نور
مهر رخشان کیمی بو دهریده که ایتدی ظهور
منزل فاطمه اولدی ایله بیل سینۀ طور
دهری حیرتده قویوب حُسن کمالی حسنون
مثل اوندورت گیجه لیک آیدی جمالی حسنون
.
.
بو سوزی ختم نبی عالمه ایلردی بیان
سرور کّل جوانان جناندور بو جوان
زیب و زینت تاپاچاق بولاّریلا باغ جنان
دل گنجینۀ زهراده اولان گوهره باخ
نه گُهر،گوهر تقواده اولان جوهره باخ
.
.
حضرت ختم نبینون اودور ارشد نوه سی
صبر دریاسی کراماتیده سرمد نوه سی
حُسن صورتده او دور یعنی زبانزد نوه سی
ناتوان خامه نجه یاز سون علی پوریندن
نور آلار گویده که گون آیدا حسن نوریندن
.
.
مرتضادن صورا سالار اُمم کیمدی؟حسن
عرصۀ صبریده که ویردی قدم کیمده؟حسن
نقشۀ ظلمه چکن نقش عدم کیمدی؟حسن
مرتضانون گوزل ارشد بالاسی کیمدی؟حسن
فاطمه دلبری هم آی پاراسی کیمدی؟حسن
.
.
صُلحی عالملری حیران ایلین کیمدی؟حسن
ظالمین کاخنی ویران ایلین کیمیدی؟حسن
انوری دینی نمایان ایلین کیمدی؟حسن
قُلّۀ صلح و صفاده آقا پرچم ویردی
نقشۀ معاویه نی دهریده برهم ویردی
.
.
شیرۀ جان علی شیر خدادی بو آقا
چارمین مفخر ارباب کسادی بو آقا
شیعه نون دردینه دنیاده دوادی بو آقا
مشعل دین فروزان ایلین کیمدی؟حسن
معاویه جانینی لرزان ایلین کیمدی؟حسن
.
.
عمرینون گلشنینه حیف اولا تئز اسدی خزان
گوگرب ظلمین الیله لب یاقوت نشان
دوزلوب لبلرینه دانه مرجان کیمی قان
حسنون شیعه لری ایندی دیون جان حسن
لبلرونده دایانان قانیوه قربان حسن
.
.
ظلم الیله پوزولان انجمنه حیف السون
باد محنتله سولان یاسمنه حیف السون
گوهر فاطمه یعنی حسنه حیف السون
شهر یثربده غریب وطنه حیف السون
ئوز ایوینده یعنی مظلوم ئولنه حیف السون
.
.
جعده نون ظلمی بوکوب قامت زهرانی اوگون
ماتمه غرق ایلیوب عالم والانی اوگون
دیده گریان ایلیوب حضرت زهرانی اوگون
کوزیه زهر توکوب ایتدی خیانت حسنه
جگری پارچالانوب اولدی جسارت حسنه
.
.
اود کیمی سوزش زهر ایلدی فوراً اثرین
قطعه قطعه ایدوب السّاعه امامین جگرین
سالدی اُولدَمده خسوفه داخی زهرا قمرین
دیدی معناده خانم فاطمه ده وای حسنیم
یعنی دای اولدی یتیم قاسم سرو چمنیم
.
.
زینبن آخدی او دم صورته اشک بصری
اوخشادی قارداشینی کنز عفافین گُهری
گتدیلر طشت حسنون طشته توکولدی جگری
حرم فخر الانامه داخی غوغا دوشدی
ائتمه ایراد دئسم لرزیه دنیا دوشدی
.
.
#حسنیه_مدح
#حسنیه_شهادت
#گنه_ده_مرغ_دلیم_مهر_و_وفادن_دانیشور
#ترکی
.
✍️ #زبدةالاشعار✍️
.
🆔: @nohe_torki
نظر دهید