دیر راهب
.
✍️ #زبدةالاشعار ✍️
.
🆔: @nohe_torki
.
مرحوم لعلی تبریزی
.
گوردی که گلور خود بخود آوازۀ ناقوس
حیرتدن او دم راهب اولوب دیرده مأیوس
.
.
عرض ایلدی یارب ندی بلمم بو علامت
یوخسا که بو گون ظاهر اولوب شور قیامت
یا گویده مسیحایه یتوبدورغم و محنت
نه حادثه وار بلمورم ای سامع و قدوس
.
.
چیخدی او زمان سرعتیله قیلدی نظاره
گوردی اُسرانی گتورولّه او دیاره
بیر دسته حرم ناقۀ عریانه سواره
باشینده نه وار مقنعه اگنینده نه ملبوس
.
.
خیل اسرا جمله پریشان و مشوّش
افلاکه سالوب هر بیری بیر آهیله آتش
بوینی هامی چگننده یتیمان بلاکش
آغلالّا هامی خسته و افسرده و مأیوس
.
.
بیماری گوروب هر غم و هر درده مسلم
عریان دوه ده اگلشوب اول سیّد عالم
زنجیر ستمله هر ایکی قولاری محکم
زندان مقیّد ده گورونموب ایله محبوس
.
.
لیلانی گوروب ناقه ده قانیاش توکور الحق
بیر باشه باخار شبه پیمبردی او مطلق
بیر نوعیله اولموش اوباشون نوری معلّق
گویا که آچوب چتر گلوب جلویه طاووس
.
.
اما او باشی ضربتیله منشق ایدوب سیف
رنگ رُخینه باخدی دئدی بی کم و بی کیف
بو تازه جوانی سوسوز ئلدوردوله صد حیف
بو هاشمی خالی بویانوب قانینه افسوس
.
.
بیر یاندا باخاندا نظری دوشدی سَنانه
بیر یاره لی باش گوردی ووروب نوک سِنانه
آغشته اولوب بسکه اوباش قرمزی قانه
قان لخته سی اولموش او رخ روینه فانوس
.
.
گوردی او کسوک باشدا عجب سرّ و علامت
بیر نحو ایدر آیۀ قرآنی تلاوت
ظاهردی جبینیندن اونون نور امانت
هم سرّ ولایت اولور اول جَبهه ده محسوس
.
.
بو باش دیدی کیمدور که بیله نوری جلیدور
سویلوبله که بو مظهر نور ازلی دور
یعنی شه لب تشنه حسین ابن علیدور
زهرایه انیس و دل پیغمبره مأنوس
.
.
بیعتله یزیده بوحسین یازمادی نامه
حکم اولدی گرک باشی گیده مجلس عامه
چون قتل حسین ابن علی یتدی تمامه
تاراج خیام اولماقا امر اولدی چالون کوس
.
.
بوسوزدن اولوب راهبه بیر واهمه غالب
جان نقدئیله اولدی حسین باشینه طالب
تا شمردن آلدی او حسین باشینی راهب
گتدی اونی دیر ایچره تاپوب عزت و ناموس
.
.
ائتدی او باشون زینتنی مشکله کافور
بیر طرفه سرا پرده ده قیلدی اونی مستور
ناگه نه گوروب جلوه لنوب شعشۀ نور
اسرار الهی اولور اول دیرده محسوس
.
.
گلموش او یره آسیه و مریم و سارا
بیر تخت مُکَلَّل ده دوروب حضرت زهرا
حیران دولانولّار او باشون دورینه اما
گه شوقیله ایلولَّه زیارت اونی گه بوس
.
.
پیر اولدی بو اعجازه او دم ناظر و حاضر
اوز طایفه سین ایلیوب اول دیرده حاضر
بو معجزه یه اولدی نصارا هامی ناظر
اول لشگرین افعالنه چوخ ایتدیله افسوس
.
.
«لعلی» نقدر اولسا سنه مهلت اجلدن
قویما بو حسین دامنی بیر دم چیخا الدن
آل فیض او دریای فیوضات ازلدن
تا اینکه سعادت تاپا بو طالع منحوس
.
.
#دیر_راهب_لعلی_تبریزی
#گوردی_که_گلور_خود_بخود_آوازۀ_ناقوس
#ترکی
.
✍️ #زبدةالاشعار ✍️
.
🆔: @nohe_torki
نظر دهید