زبدةالاشعار

گوزل عباس دولوب گور نجه قان گوزلریوه #عباسیه_انور_اردبیلی

زبانحال امام حسین (ع) در بالین برادر
« سوال و جواب »
.
.
.
مرحوم انور اردبیلی
.
.
گوزل عباس دولوب گور نجه قان گوزلریوه
هر باخش خوشدی حسینون دیسه جان گوزلریوه
.
.
بدر کامل دوتولوبدور گورونور آی پاراسی
قانویله هوورلوب کیپریگیله قاش آراسی
بیله احساس ایدورم بیر گوزیون وار یاراسی
یوخسا دولمازدی عزیزیم بیله قان گوزلریوه
.
.
خوش کچوب حسنوه باخدوقجا گونوم آئیم ایلیم
نه گلوب گوزلریوه دردینی لازمدی بیلیم
قوی اوزوم لخته لنن قانینی آهسته سیلیم
سنی اکبر جانی سن ویرمه تکان گوزلریوه
.
.
وار عجب غصه لی بیر منظره سی گوز قاشوین
کاسه سی آهن عمودیله سنوبدور باشوین
قلبی بو چولده جوان داغی گورن قارداشوین
ابر تک هر گوزی آغلور یومولان گوزلریوه
.
.
تنگه دوشدی بلورم گردشی اولدوزلاریمون
علمون یاتدی یاتار بختی آدامسیزلاریمون
الده سو جامی خیامی دولانان قزلاریمون
نگران گوزلری قربان نگران گوزلریوه
.
.
عالم عشقده هیهات اولا خسته حسین
مست اولور باخدوقجا سن کیمی سرمسته حسین
بو امیدیله گلوبدور باشوین اوسته حسین
وورا بیر بوسه على بوسه ووران گوزلریوه
.
.
قلبیم ایستور سارالان رنگیمه قارداش باخاسان
نجه گوزلردن آخور صورتیمه یاش باخاسان
نچه لحظه سنه امکان اولا ایکاش باخاسان
چاغرام تشنه اوشاقلار ویره سان گوزلریوه
.
.
بوزوین قاننی سولموش یوزیمه باخدوقجا
دردیم آرتور نلیوم اشک تریم آخدوقجا
شاد اولاردیم ایکی زیبا گوزیوه باخدوقجا
باخورام حسرتیله ایندی همان گوزلریوه
.
.
بو اوجا قامته حیرانیدی هر سرو روان
خم کمر گورممشیدی منی ده دور زمان
ال اله ویردی بو گون دوز اوخولان اَیری کمان
اولدی بیر ایش باخورام قدی کمان، گوزلریوه
.
.
زندگیده سنیدون لذتی روز و شبیمون
دادی گئتدی سنه قربان دیلیمون هم لبیمون
تک منیم یوخ، گوزی سندِیدی گوزل زینبمون
قویدی حسرت باجوی جبر زمان گوزلریوه
.
.
سندیروب درد و غمون ائتدی منی افتاده
رغبتیم قالمادی بو دیر خراب آباده
یاشاسیدیم من اگر نوح کیمی دنیاده
ایلیردوم سنون هر لحظه فغان گوزلریوه
.
.
✔️ جواب حضرت ابالفضل (ع)
.
.
آچماقا گوزلریمی یوخدی دئدی چاره آقا
بیر گوزوم تیر جفائیله اولوب یاره آقا
بیر گوزوم ده اوتانور باخسین او رخساره آقا
وورما اوز باخمارام اوُل اشک فشان گوزلریوه
.
.
گر چه کام رخ یار آلماقی خوشدور گوزومون
کپریگین بیر بیرینه چالماقی خوشدور گوزومون
دردون آرتار یومولی قالماقی خوشدور گوزومون
عاشقم یوخسا بلورسن آقاجان گوزلریوه
.
.
اولوب اوّل باخشیم روز تولد ده سنه
بلّنوب معرفتیم سنده کی وجه الحسنه
آخریم گور هارا منجر اولوب ایوای دئ منه
باخا بلمور قوجاقوندا گوز آچان گوزلریوه
.
.
#عباسیه_شهادت
#گوزل_عباس_دولوب_گور_نجه_قان_گوزلریوه
#سیمای_عاشورا_انور
#ترکی #عباسیه
#زبدةالاشعار

متن پیشنهادی:  ای گوزل آدی اولان عرشیده گوشواره حسین #حسینیه_بیدقداری

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی