زبانحال حضرت در بالین برادر زاده اش حضرت قاسم
.
✍️ #زبدةالاشعار ✍️
.
🆔: @nohe_torki
.
#سبک_یارالی_جان_یارالی … 4 سبک
.
حاج حسین حسنی تبریزی
.
گوزون آچ ای دیزیمون طاقتی قاسم گوزون آچ
عموون چوخدی بو گون محمتی قاسم گوزون آچ
.
.
قان دوتوب گوزلروی بسکه باشوندان سوزلوب
تللرونده دیه سن شطّۀ مرجان دوزولوب
نیلیوم یوخدور علاجیم الیم الدن اوزلوب
توپراقا قویما گوزل صورتی قاسم گوزون آچ
.
.
گلسه میدانه بیبون زینب کبرا نه دیوم
خیمیه حمل ایلیوب جسموی آیا نه دیوم
خبر آلسا سنی مندن آنان اما نه دیوم
گوز تکوبدی یولا بو مدتی قاسم گوزون آچ
.
.
دور گیداخ خیمه لره سینه لری داغلیالار
باشوین یاره سینی عمه لرون باغلیالار
تا دویونجا سنه بیر اوخشیالار آغلیالار
اولاجاقدور هامونون صحبتی قاسم گوزون آچ
.
.
ورولان جسمووه ناحق بوقدر اوخدی بالا
ناز ایدورسن منه با اینکه یاران چوخدی بالا
من آتایم سنه فکر ایتمه آتان یوخدی بالا
غصه سی دلده آتا رحلتی قاسم گوزون آچ
.
.
بولوسن چوخدی بو صحرای بلاده محنیم
سنه باخدوقجا دوشر یادیمه هر بیر ئولنیم
آدی قاسم ولی معناده امام حسنیم
قارداشیم تک قولومون قوتی قاسم گوزون آچ
.
.
بو کچیک سنیله سن غم گونی یولداشمدون
عزت و شوکت اولاد بنی هاشمدون
جان ویرن زهریله یثربده کی قارداشمدون
عموون خم دور اودور قامتی قاسم گوزون آچ
.
.
قویمادیم من سنی بیر لحظه مکدر اولاسان
قارداشیم اوغلی منه غم گونی یاوراولاسان
اکبریم گیتدى الیمدن منه اکبر اولاسان
عموسین درده سالان فرقتی قاسم گوزون آچ
.
.
من دیردیم آناوی غصه دن آزاد ایدرم
اولی بیرگون آتاوین روحینی من شاد ایدرم
دوتارام طوی سنه بیر گون بالا داماد ایدرم
ای قالان قلبیده بو حسرتی قاسم گوزون آچ
.
.
یارالی باشینی شه گوتدی آلوب سینه سینه
باسدی آغوشینه نعشین یتوروب خیمه سینه
قاسمی گتدیله سس یتدی خانم عمه سینه
سسلدی ای اورگیم طاقتی قاسم گوزون آچ
.
.
قویدی اکبر یاننا نعشینی باهم یاتالار
گوز یاشین خون دلیله بالا قیزلار قاتالار
اکبر وقاسم آناسی بیله یاسه باتالار
دیه ای مادرنون عزّتی قاسم گوزون آچ
.
.
تا یتوب نعشینون اوسته یره اوتدی آناسی
گوردی، گلمور سانا جسمینده قلج اوخ یاراسی
بودلیله دیدی دل بلکه گوز آچسون بالاسی
«حسنی» یاده سالان غربتی قاسم گوزون آچ
.
.
#قاسمیه #حسنی_تبریزی
#قاسمیه_شهادت
#گوزون_آچ_ای_دیزیمون_طاقتی_قاسم_گوزون_آچ
#ترکی
.
✍️ #زبدةالاشعار ✍️
.
🆔: @nohe_torki
نظر دهید