زبدةالاشعار

گوزون آچ ای قوری یرلرده ویرن جان یارالی #اربعین_کریم_نصیری

زبان حال حضرت زینب کبری (س)
در اربعین شهدای کربلا
.
✍️ #زبدةالاشعار ✍️
.
🆔: @nohe_torki
.
#سبک_یارالی_جان_یارالی … 4 سبک … #سبک_کربلا_منتظر_ماست#سبک_شهریاریمسن_آقا  … و …
.
کریم نصیری دولت آباد
.
گوزون آچ ای قوری یرلرده ویرن جان یارالی
زینبین جانی سوسوز جانیوه قربان یارالی
.
.
اربعینینده سنه آغلاماقا گلدی باجین
آتش غمده اورک داغلاماقاگلدی باجین
یارالی یاره لرین باغلاماقا گلدی باجین
ایدَرم گوزیاشیمی یاره وه درمان یارالی
.
.
داغلانان قلبیمه غم تیری دَئیوب دلدی حسین
باغری قان گیتدی باجین قدی کمان گلدی حسین
قبریوی گوردی بوغم یورقونی دینجلدی حسین
کامه چاتدی باجین اولدی سنه مهمان یارالی
.
.
ساغالیب زینبیوین باشداکی محمل یاراسی
عیبی یوخ قمچیلرین چکسه ده بیرایل یاراسی
قمچیلردن منی چوخ یوردی حسین دل یاراسی
ایتدی دل یاره لری قلبیمی شان شان یارالی
.
.
آی فرات اوسته باتوب یغمیشام اولدوزلاریوی
آلمیشام زیرپره السیزایاقسیزلاریوی
گَل اوتاندیرمامنی سایماهله قیزلاریوی
آیریلیب قافله دن مرغ خوش الحان یارالی
.
.
قالدی ویرانه ده بیرقیزکه گوزل گویچگیدی
پیکری قمچیلریلن یازیلان مدرکیدی
ایله شیرین دیلیدی نوحه دیماقداتکیدی
اوقَدَر اوخشادی تا دؤشدی ایاقدان یارالی
.
.
سنی ویرانه ده گورموشدی ایتیرموشدی اؤزون
دانیشوردی ولی بولموردی دیسون هانسی سوزون
تللرین آلدی اله سیلدی سنون قانلی گوزون
اللری زلفی اولوب قانیله الوان یارالی
.
.
گوردوم آهسته دئیور اول منه همدم بوگیجه
اورگیمدن آزالا بلکه بیرآزغم بوگیجه
بیر دعا قیل من اولوم دینجله عمّم بوگیجه
باغلاسینلارگوزومی سن اوخی قران یارالی
.
.
ای رقیه یاران ای تیرشمادت اورگین
ای آنان فاطمه تک قمچی گؤوردن بیلگین
قاپیوا سائل اولوب دوتدی #نصیری اتگین
سنی عمّون جانی قیل دردینه درمان یارالی
.
.
.
.
#اربعین_کریم_نصیری
#گوزون_آچ_ای_قوری_یرلرده_ویرن_جان_یارالی
#ترکی
.
✍️ #زبدةالاشعار ✍️
.
🆔: @nohe_torki

متن پیشنهادی:  ای مسلمان ؛ فخر ائله پیغمبروندور مصطفی #پیامبراسلام_جعفری_زاویه

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی