زبانحال حضرت لیلا(س)
..
..
#سبک_یارالی_جان_یارالی (4سبک)
..
..
مرحوم هندی تبریزی
..
..
گوزون آچ یاتما اویان دور علی قربانون اولوم
دور اوتور آز منی یاندیر علی قربانون اولوم
..
..
منه بو دوره ده هر فضل و کرامت سنیدون
عافیت بستری بالین سلامت سنیدون
حسن پیغمبره هر یرده علامت سنیدون
سنده بس بو نه نشاندور علی قربانون اولوم
..
..
سن کیمی گوگلوم ائوین کیم بزر آرایش ائدر
منیله خوش دانیشور حالیمه بخشایش ائدر
سنون عهدون کیمی هاردان آنون آسایش ائدر
چرخ دون چوخ دولاناندور علی قربانون اولوم
..
..
سن منیم خلق آرا مایۀ تمجیدیمیدون
بخت فیروزیمیدون دولت جاویدیمیدون
هر نجه مشگلیم اولسیدی سن امّیدیمیدون
ای امیدیم دوراماندور علی قربانون اولوم
..
..
بوندان اوّل ائشیدردیم غم هجران آدینی
بیله بولمزدیم اوغول بو آجی زهرین دادینی
گوزون آچ گور تانور آخر رفقادن یادینی
باخ بو بیچاره آناندور علی قربانون اولوم
..
..
یاتما توپراقلارا باتما دور اوتور اگلن علی
بیر نچه کلمه منیم خاطریمه دیللن علی
آنالیق حقّین ایتورمه دئ دانیش منلن علی
بیر سوزون قیمتی جاندور علی قربانون اولوم
..
..
آچ گوزون ای گوزیمون نور ضیاسی گوزون آچ
منه گلسین او گوزون درد وبلاسی گوزون آچ
اوجالا قویما آنون ناله صداسی گوزون آچ
قلبیم آخر نگراندور علی قربانون اولوم
..
..
اوجادان آغلامارام اشگیله قانیم بویانا
قورخورام باتمیش اولا طائرروحیم اویانا
گله لعنت منی اوز اوغلوما حسرت قویانا
نوجوان داغی یاماندور علی قربانون اولوم
..
..
بیر دقیقه نه قویالّار علی تاخیر ایلیوم
نه عبارت تاپولور دردیمی تقریر ایلیوم
نه گلور فکریمه بیر چاره که تدبیر ایلیوم
گویلوم آخر دولی قان دور علی قربانون اولوم
..
..
بلبلم گر سوزومی قویسالا مین ایل دیرم
بال و پردن توکولن گوگلومه بسمل دیرم
نقدر عجز ایلرم یالوارورام دیل دیرم
دیمیسن بو نه فغان دور علی قربانون اولوم
..
..
من دوتاخ جبراً اوغول شامه گئدوب یتملیم
نظرمرحمتونده نیه ترک ائتملیم
اذن وئر بیر دولانیم باشیوه چون گئتمه لیم
آز منی ساخلا یوباندور علی قربانون اولوم
..
..
چون دئمز عاشق اولان اوزگیه درد دلینی
زنگ غم صحبت جانانیله دلدن سیلینی
آنالاردا اوغول اولادینه باغلار بئلینی
اوزیوه بو سوز عیاندور علی قربانون اولوم
..
..
عشق تا گلمیه انسانون اوغول اوز باشینا
بولمز عاشق نیه غمده قاتار ال گوز یاشینا
ازبریمدور دیرم آدیوی هر سوز باشینا
باخ آنان درسی رواندور علی قربانون اولوم
..
..
یاریلوب باشون آخوب قان سر و زلفون بلشوب
آق یوزون قاره تلون قرمزی قان خوش یاراشوب
گوز یاشیم سیل کیمی بسکه آخوب باشدان آشوب
کیم دیر سیله دایان دور علی قربانون اولوم
..
..
من سنون فکریویله گوگلیمی برباد ائدرم
هارادا بیر تازه جوان اولسا سنی یاد ائدرم
یازسا نوحه سنه هندی اونا امداد ائدرم
چون اونا ورد زباندور علی قربانون اولوم
..
..
#اکبریه_شهادت
#کوچ_کربلا #اکبریه
#گوزون_آچ_یاتما_اویان_دور_علی_قربانون_اولوم
#هندی_تبریزی
#ترکی
#زبدةالاشعار
نظر دهید