خرابه شام
سوال و جواب حضرت رقیه (س) با امام حسین (ع)
.
✍️ زبدة الاشعار ✍️
🆔: @nohe_torki
.
مرحوم حسینی سعدی زمان
.
گوزینده اذن ویروبدور رقیّه گوز یاشینا
بو دللریله خطاب ایلدی آتا باشینا
.
نه یاخشی گلموسن ای شاهِ تاجدار بابا
دوتوبدی گور نجه رخساریمی غبار بابا
.
خرابه یرده نه مدّتدی گوزلورم یولوی
نه علّته منی قویموشدون انتظار بابا
.
چوخ آغلادیم بو گجه کردگاره یالواردیم
یوزون گورم ئولم ، ای صاحب وقار بابا
.
دعا اوخودوم هدفِ استجابته دگدی
یتوردی مقصدیمه حیّ کردگار بابا
.
بابام گَلیدی دیردیم گوریدی بیر یوزیمی
ایدوب نجه ستمِ شمر زخمدار بابا
.
باشیما یولدا ویروب تازیانه زجرِ شریر
منه او کافر ایدوب ظلمِ بیشمار بابا
.
او قدر خارِ مغیلان باتوب ایاقلاریما
ایدوبدی قلبیمی چون لاله داغدار بابا
.
منی او قدر عدو پا پیاده یول گَتوروب
که قالمیوبدی داخی تاب و اقتدار بابا
.
ایله دوداقلاریمی قورخی چاک چاک ایلیوب
که قالمیوب دلِ صدپاره ده قرار بابا
.
اوزون جِداده گوردون دویولّه سووگُلوی
عجبدور ایلمدون شامی تار مار بابا
.
سنی شهید ایلینلر منی اسیر ایلدی
دونیدی کاش گوروم دورِ روزگار بابا
.
الیمده چون یوخودی چاره دینمدیم دوزدوم
نقدر ووردی منی قومِ کین شعار بابا
.
یریم خرابه ، گجه گوندوز استراحت یوخ
گوزوم توکر یوزیمه دُرّ شاهوار بابا
.
تمام اولوب گورَسن درد و محنتیم یا نه؟
ایدیدی درک منی کاش احتضار بابا
.
یزید کاخینی سیلِ سرشگیله یخارام
جلالینی ایدرم محو و تار مار بابا
.
اگر ئولم باباجان قبریم اوسته کیم گله جاق؟
غریب قبری اولار خلق ایچینده خوار بابا
.
هارا مسافرت ایتسن منی یانونجا آپار
بو سوگلی قیزوی قویما اشگبار بابا
.
یوزیوی قوی یوزیمه بیر اوپوم جمالوندن
بو بیقرار دلیم تا تاپا قرار بابا
.
(حسینی) ذیلِ عنایاتیوه ووروبدور چنگ
سوزی جهاندا قالا بلکه یادگار بابا
.
✔️ جواب امام حسین علیه السلام در هشتک زیر
#سنون_دوتوب_گل_رخساروی_غبار_قیزیم
.
#آثارالحسینی1 ص 291
#گوزینده_اذن_ویروبدور_رقیه_گوز_یاشینا
#نه_یاخشی_گلموسن_ای_شاه_تاجدار_بابا
#ترکی
#حضرت_رقیه_شهادت
.
✍️ #زبدةالاشعار ✍️
.
🆔: @nohe_torki
نظر دهید