زبدةالاشعار

گوز آچدون تا منه باخدون سن ایتدون بیرده خواب اصغر #اصغریه_غمخوار

شهادت حضرت علی اصغر (ع)
زبانحال امام
.
✍️ زبدة الاشعار ✍️

?: @nohe_torki

سبک :: خداوندا الیم بوشدی … حسین جان گل علمدارون…

.
حاج اسماعیل فرشی ازهر( غمخوار )
.

گوز آچدون تا منه باخدون سن ایتدون بیرده خواب اصغر
خدا حافظ داخی ایت حشره تک نازیله خواب اصغر
قوجاقیمده اولان پرپر
خداحافظ علی اصغر
.
.

الیمله قاتله ویردیم سنی اولدوم خجل امّا
داخی چکمز سوسوزدان غنچه لبلرالتهاب اصغر
.
آنان گرنصف شب بوش غملی قونداقین اله آلسا
تمام اولدوزلارآغلارلاردیسه لایلای رباب اصغر
.
قاچوب رنگ رُخون اصغرگوزومده صبح اولوب ظلمت
ایشیق گون گورمه رم دنیانی دوتسا آفتاب اصغر
.
اوغول سیراب اولان دمده دِه جدّون شیرمردانه
که سوکربوبلاده بیزلره اولدی سراب اصغر
.
بوغازون یاره سین گئت وئیرنشان جنّتده زهرایه
دِنه سوایسته دیم اوچ شعبه اوخ وئردی جواب اصغر
.
اَلا ای غُنچۀ خندان که جورخاریدن سولدون
خزانه یتماقا نولدی بئله ائتدون شتاب اصغر
.
ایکی دریا یانینداتشنه اوخلاندون سوسوزقالدون
سنی سیراب ائدرایمدی بابام ختمی مأب اصغر
.
عمون سقّائیدی امّا سو ممکن اولمادی یاندون
ایکی قول وئردی سو اوسته اوپور بوتراب اصغر
.
نه تک سقا عمون اولدی خجالت ای گوزوم نوری
خجالتدور سودان باجی آنا قارداش و باب اصغر
.
ئولونجه شیعه نین اشگین گوزونده یادگار قویدون
توجه ایلسه زهرا اولار خالص گلاب اصغر
.
توکللر اشگ حسرت شیعه لر دائم گئجه گوندوز
سنون احوالیوه دلدن یانار هر شیخ و شاب اصغر
.
الا ای قان اولان لاله عجب سوزو گدازون وار
اواونجا حشر عزادارون دلین ائتدون کباب اصغر
.
سن اول ذبح عظیم سن که کلام الله اونا ناطق
اولوب بو طلعتین تأویل آیات کتاب اصغر
.
سوروشسا روز محشر آل احمد حقّینی الله
نولار بو امتین حالی ائده غیضاً خطاب اصغر
.
سیه رو نوکرم امّا غریبم شهر تبریزده
اوجالدوب باشیمی فخریله اول عالی جناب اصغر
.
اگرچه نچه مدّت دور سیزه مدّاح دور «غمخوار»
یازار آغلار ولیکن شهریار اولماز حساب اصغر

متن پیشنهادی:  زمانه گوز یاشیمی دوندروبدی قانه على #حضرت_صغری #تقایی_اردبیلی

.

.
#سبک_حسین_جان_گل_علمدارون
.
متن #فارسی از استاد #شهریار با هشتک زیر
#گشودی_چشم_در_چشم

.
#اصغریه_شهادت
#گوز_آچدون_تا_منه_باخدون
#غمخوار
#ترکی
.
✍️ #زبدةالاشعار ✍️

?: @nohe_torki

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی