زبانحال حضرت زینب(س) در شهادت قمر بنی هاشم(ع)
.
✍️ #زبدةالاشعار ✍️
.
🆔: @nohe_torki
.
#سبک_ای_باد_صبا …
.
مرحوم تائب تبریزی
.
گوز یاشیوه قربان گوزون آغلار نیه قارداش
عباس نولوب تک گلوسن خیمیه قارداش
.
.
سولموش سوسوزوندان نجه گور غنچه دوداقلار
اللرده سر جامی سو دیور تشنه قوناقلار
عباسدن ایستردیله سو خردا اوشاقلار
بولمور بالا قزلار كیمه دردین دیه قارداش
.
.
رنگون آتام اوغلی نیه گل تک سارالوبدور
نه غم سنی بو صبریله بو حاله سالوبدور
قدون بوكولوب بیله الون بلده قالوبدور
دوتموش بدنون رعشه دوشوب لرزیه قارداش
.
.
خم اولدی قدون دشمنوین قدى دوزَلدی
باخدیم سنه حسرت اوخی بو سینه می دلدى
گلدون نیه تک قارداشون عباسه نه گلدی
گلموبدی علمدار ندن خیمیه قارداش
.
.
ذی حقسن آنام اوغلی که جاندان اوسانوبسان
قارداشوی جان اوسته گوروب بیله یانوبسان
قارداش قانینا سن که بو نوعی بویانوبسان
زینبده گرک جامۀ نیلی گییه قارداش
.
عبّاس اوزی که واردیدی رسم وفایه
طیّ ایتمیشیدی اولسا وفاده نچه پایه
ویرمیشدی سو وعده حرم آل عبایه
بس سو او وفائیله گتورموب نیه قارداش
.
.
عبّاسده قارداش واریدی ایله رشادت
اولسونلا مبارز اونا ایتمزدیله جرأت
سالمیشدی مگر قوللارینی اهل شقاوت
ال تاپدیلا اول شیر دل شرزیه قارداش
.
.
کشف ایله چیخوبسان نیه بو نوع أؤزیندن
جاری اولی رخساره جگر قانی گوزیندن
مطلق گورورم من ئولوم آثاری اوزیندن
رحلت یاخون اولموش سنی درک ایلیه قارداش
.
.
نه سرّدی کشف ایت آنام اوغلی بو فگاره
گوزدن توکوسن مه یوزیوه اشگ ستاره
یوخسا ئولوب عباس من اولدوم گونی قاره
حتم اولدی اسارت بو بلا دیدیه قارداش
.
.
قارداش ئولوب عباس اونی یردن گوتوریدون
حسرت یاراسین اودلی دلیندن بیتریدون
قارداشلاری تک خیمیه نعشین گتوریدون
شوریله قوریدوق اونا بیر تعزیه قارداش
.
.
یوخدور بیاباندا ابوالفضلین آناسی
تا شیونیله اوخشیا أول اشجع ناسی
نعشین تاپارام قورّام اؤزوم ماتم اساسی
تا قارداشوا حسرت دل اولمیا قارداش
.
.
«تائب» گیدوری دسته به دسته بو جماعت
هر وقفه حسین قبرینی ایلَلَّه زیارت
یالوار باجیسی زینبه تاپ سنده سعادت
باجی دیه بیر وقته سنی ایستیه قارداش
.
.
#عباسیه_تائب_تبریزی
#عباسیه_شهادت
#گوز_یاشیوه_قربان_گوزون_آغلار_نیه_قارداش
#ترکی
.
✍️ #زبدةالاشعار ✍️
.
🆔: @nohe_torki
نظر دهید