زبدةالاشعار

گوندوز که خزان اولدی گلستانی حسینون #شام_غریبان #حافظی_تبریزی

شام غریبان امام حسین (ع)
.
✍️ #زبدةالاشعار ✍️
.
🆔: @nohe_torki
.
مرحوم حافظی تبریزی
.
گوندوز که خزان اولدی گلستانی حسینون
خوار اولدی گئجه شام غریبانی حسینون
.
.
چوخ عترت پیغمبره مشکل او گئجه ئیدی
بیر آن که دیه لّر اولی بیر ایل او گئجه ئیدی
.
.
منزل یاری یانموش چادر اولاد پیمبر
کاشانه سی یانموش قوشا بنزردی حرملر
هر گوشه ده بیر غمزدۀ زار و مکدّر
باش زیر پر غمده او صیّاده گرفتار
غملی متوحّش یاری یاتموش یاری بیدار
.
.
بیر جمع پریشان که پریشانیدی حالی
بعضی سی دوگولموشدیله بعضی سی یارالی
بعضی لرینون زلفی تک آشفته خیالی
هر بیر دله مین داغ چکیلمیشدی داغ اوسته
واضحدی دورانماز یارالی قوش بوداغ اوسته
.
.
گوندوز بیر اوشاق رسمیدی قورخا گئجه یاتماز
چون یاددان او گوندوزکی غم و فکری چخاتماز
خاصّه بیر اوشاق اولسا مودّب سس اوجاتماز
صبحه کیمی آغلار اولی بیر ائل گئجه بیدار
گویا او سنق نی دی یله یلده سیزیلدار
.
.
نه چکدیلر آل اللهه یوز ویردی نلر غم
بُلمز بیری گر ایلمسه گوزده مجسّم
چکموب ایله بیر منظره بیر مانی عالم
بیر یاندا سیزیلدار آنا ، بیر یاندا بالاسی
نه دردی معیّن نه طبیبی نه دواسی
.
.
بیر عورتیدی بیر کیشی بو جمعه نگهبان
بیر دوستیدی بیر دشمن، او غملی بو خرامان
بیر شمردی گویا او بیری زینب نالان
غملیدی بو دلشادیدی او حال کشیکده
بو پشت در خیمه ده تا صبح او ائشیکده
.
.
درده او گئجه غم دل دنیانی گتوردی
هم چرخ چهارمده مسیحانی گتوردی
جنّتده اوغول مادر زهرانی گتوردی
باش چکماقا باشسیزلارا گلدی شب ظلمت
اوغلی آتاسی بیرده علی شاه ولایت
.
.
امّ السّلمه زوجۀ پیغمبر اکرم
یاتدی یوخودا گوردی او بانوی مُکَرّم
هنگامه دی بیر عالم محشر اولوب عالم
پیغمبر رحمت گلور احوالی پریشان
یوز گوز بلشوب توپراقا اللردن آخور قان
.
.
عرض ایلدی امّ السّلمه کای شه خوبان
ایوای بو نه عالمدی کنیزون سنه قربان
نه درد و مصیبت سنی ایتمیش بیله گریان
شایسته دگول درد و مصیبت سنه گلسون
دردون ندی اظهار ایله دردون منه گلسون
.
.
آرتوردی بو سوز حضرت پیغمبره شیون
فرمایش ایدوب محنتیمی تازه لدون سن
امّ السّلمه کرب و بلادن گلورم من
غم صرصری گلزاریمی سولدوردی گیچن گون
شام اهلی حسین اوغلومی ئولدوردی گیچن گون
.
.
گوردوم یارالی نعشینی اشکیم یوزه آخدی
باخدیم دایانام شرط محبّتدن اوزاخدی
قانین یوزه من فاطمه ده زلفینه یاخدی
جمّال حسینون پی آپارموش اورگیندن
بو قاندی او قان تازه آخوردی بیلگیندن
.
.
یوخ گوردی بدنده باشی، تاب ایتمدی زهرا
بُولدی آپاروب کوفیه مهمان اونی اعدا
اوردان گیدوب ایتسون یارالی باشینی پیدا
خولینون ائوینده توکر ایمدی یوزه قانیاش
زهرا سنه قربان دیر ای قانلی کسوک باش
.
.
ویران اولا خولینون او ویرانه سراسی
گیتمز اورگیمدن او ایدن ظلم یاراسی
کول اوسته آنا گورسه یاتوب نازلی بالاسی
دؤزمز ، شرر غمله دل عالمی داغلار
دنیا بویی ایوای بالا وای ورد ایدر آغلار
.
.
بو نوحه نی که «حافظ قرآن» ایدوب انشاد
باخسا اونا احسن دیه جاق شعریده استاد
بدخواه ائشیدر غملَنی، احباب اولی دلشاد
سوزدن آپارار مطلبه پی نطفۀ شیطان
تزویریله آردینجا دئمز بیر پارا بهتان
.
.
.
.
#شام_غریبان #حافظی_تبریزی
#گوندوز_که_خزان_اولدی_گلستانی_حسینون
#ترکی
.
✍️ #زبدةالاشعار ✍️
.
🆔: @nohe_torki

متن پیشنهادی:  باغلانوب سو یوللاری بو گونده آل حیدره #فرات #ذهنی_زاده

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی