شهادت حضرت زهرا سلام الله علیها
..
..
بلال فصیحی زاد
..
..
#سبک_دل_شب_ایلیوب_سفر (4 سبک سینه و زنجیر برای اجرا بدون واگیر)
#سبک_الهی_دفن_ایدیم_نجه (اجرا با واگیر )
واگیر برای این سبک :
بدنده یاره – حیالی زهرا
گئدن مزاره – یارالی زهرا
.
.
#سبک_الهی_غملی_کوفه_نون (#جوادی)
واگیر برای این سبک از #ثاقب_زنجانی :
یوزه اشک غم توکوب آغلارام
بو مُحَنده سینه می داغلارام
..
..
گل ای عزیزه دختریم ئولور بلالی فاطمه
یوخومدی یار و یاوریم ئولور بلالی فاطمه
..
..
منیم ایشیقلی کوکبیم زمانه دن واریم گله
اؤرکده قالدی مطلبیم ایشیم دوشوبدی مشگله
گرامی نازلی زینبیم آنوی گل حلال ائله
سونور چراغ انوریم ئولور بلالی فاطمه
..
..
گوزل بالام گوزل قزیم سؤزومه ائت عمل قزیم
گئدور آنون جهانیدن باشیمون اوسته گل قزیم
اگرچه سنده گلمه سون گلوبدی بو اجل قزیم
اجل اولوب دلاوریم ئولور بلالی فاطمه
..
..
دوگولمیشم یورولمیشام دوشوبدی اود تفاقیمه
سولوبدی عمریمون گلی گلوب اجل سراقیمه
دوزون منیم فراقیمه یتوبدی جان دوداقیمه
سیزه کومکدی داوریم ئولور بلالی فاطمه
..
..
آلون ارایه سیز منی بو آخرین وصالیدی
سیزی دوباره گورمگیم داخی منه محالیدی
سینه م باتوب بالام ئولوب قولوم سینوب یارالیدی
یارالانوبدی پیکریم ئولور بلالی فاطمه
..
..
سسیمه یوخدی سس وئرن وطنیمون غریبیم
نه وار گلن نه وار گئدن وطنیمون غریبیم
منه چتیندور هر ندن وطنیمون غریبیم
گَل ای گُل صنوبریم ئولور بلالی فاطمه
..
..
زنان یثربون منه بیری حمایت ائتمدی
بیلوردیلر مریضه ام کیمی عیادت ائتمدی
ایکی جهان طبیبینه گلوب طبابت ائتمدى
دولوب بو غملی گوزلریم ئولور بلالی فاطمه
..
..
او گله بنزرم قزیم چمنده آچمامیش سولا
منیم که یوخدی بیر کسیم باشیمون اوسته باش یولا
بالاجا اللرونله گل گوزومی باغلا سال یولا
بویوک قزیم هنروریم ئولور بلالی فاطمه
..
..
صحیفۀ ملالیده ازلده ثبت اولوب آدیم
زمانه نون شیرین لیگین آز عمریمیله دادمادیم
آنام باجیمدا اولمادی نه قارداشیم نه بیر زادیم
قالوب اؤرکده اللریم ئولور بلالی فاطمه
..
..
دئمم گلنده هر جفا تحمّل ایلینمدیم
رضای حقی گوزلدیم بلایه دیلننمدیم
آز عمریم اولدی دهریده بیر آنی دینجلنمدیم
آغاردی باشدا زفلریم ئولور بلالی فاطمه
..
..
بازار ملال و حالیمی «فصیحی» گوزده اشگ تر
منه گلن بلالرون همیشه غصه سین ییر
گل ایستیک اِلهدن اونا حق ایلسون نظر
اولا حقیقی نوکریم ئولور بلالی فاطمه
..
..
#فاطمیه #فصیحی #فاطمیه_شهادت #ترکی #زبدةالاشعار
نظر دهید