شهادت حضرت فاطمه زهرا سلام الله علیها
.
✍️ #زبدةالاشعار ✍️
.
🆔: @nohe_torki
.
حاج علیرضا #امانی_اردبیلی
.
گِئجه آشفته گئجه زار گئِجه فانی گِئجه
گئِجه آزاده گِئجه جلوه یِ روحانی گِئجه
.
خلقتین اولی امضا ائلیوب ساکت اولا
تیکه آفاقه فقط دیده یِ بینانی گِئجه
.
لطف بی شائبه دن هر کسه بیر جلوه سی وار
نه دییر آچسا الهی لب گویانی گِئجه
.
هانسی اندیشه دی آیا اِئده معنا گئجه نی
غرق حیرت اِئدوب اندیشه ی انسانی گئجه
.
اقتضای طلب آدمینن جلوه تاپار
گاهی تاریکی دی امّا گهی نورانی گئجه
.
شمع و پروانه یازان قصه نی کیم نقل اِئلییَر؟
اِئتمسه عشقیده تنظیم قضایانی گئجه؟
.
شمعی کیم یاندراجاقدی گئجه اولمیدی اگر؟
کیمییدی ئورگَده پروانیه سودانی گئجه
.
حال مجنونی گئدون قانلی تیکاننان سوروشون
پای مجنونه یازوب قصّه ی لیلانی گئجه
.
آدمی سعی و تلاشین گونوز اِیلَر امّا
واردی تجدید قَوا ائتمگین امکانی گئجه
.
یعنی آخشام یارانوب جانلارا آرامش اولا
عَرضمین فلسفه سی خوابیدی برهانی گئجه
.
قاره بیر پرده ده آیا نَقَدَر حکمت اولار
رمزه تلفیق ائلیوب راز فراوانی گئجه
.
بو قوجا عالمه سایسز گئجه هم صحبت اولوب
فلک ، همدم ائلیوب ، طاق ثریّانی گئجه
.
ولی بیر آخشامی حکم ازلی آیری یازوب
ابدیّت کیمی اولسون دئدی طولانی گئجه
.
نِئجه یادّان چخادار حشره کیمین دار بقا
شب ماتم زده ی رحلتِ زهرانی گئجه
.
اونداکی گِییدی مدینه قَرَه چادر شَبینی
آلدی محنت کَدَری گُنبدِ مینانی گئجه
.
گتیروب فاطمه نی قبر ائوینه قویسون علی
اِئتدی آماده قوری منزلی طوفانی گئجه
.
باخدی قبره دئدی اقبالیمه باخ ای تپراق
سنده مدفون اِئدورم گوهر رخشانی گئجه
.
یاخچی ساخلا بونی پهلوسی سنوب اوغلی اولوب
نا بسا مان اِئلمه بی سرو سامانی گئجه
.
آغ لباسیله علینین ائوینه گلمیشدی
آغ لباسیله گئدور قبرینه ظلمانی گجه
.
بو فنا دهریده هچ گورمه دی خوش گون زهرا
اَلینی ئوزدی اَلیمنن فلکِ فانی گجه
.
دورد اوشاق ائوده قویوب دفنینه من تک گلدیم
اوتوروب بوردا توکم اشک فراوانی گجه
.
کول سنون باشوه اولسون گرک ای چرخ فلک
سالموسان گور نه علی قلبینه غوغانی گجه
.
منه عالمده گرک آغلیالار ای تپراق
حقّیمه امت اِئدوب گور نجه جبرانی گجه
.
بو جماعت ئوز ائویمده قاپومی اوتلادلار
ئولدوروب اوغلومی حفظ ائتدیله قرآنی گجه
.
من حلال اِیلَمَرم جهلِ عَوامُ النّاسی
سوزه شاهد دوتارام حضرت یکتانی گجه
.
اُمّتین جهلیدی زهرانی گجه دفن ائدورم
فکر لر تک یاتوب آداب مسلمانی گجه
.
قدرینی بیلمین امت اویمی یخدی منیم
یئری وار صبحه کیمین ایلیم افغانی گجه
.
الده ئولدوردوله زهرانی حسن شاهددی
ایاقم آلتدا گرک خاکه دوشه ثانی گجه
.
یوزونه سیلی وُران بسترِ راحتده یاتوب
من ولی دفن ائدورم گیزلیده زهرانی گجه…
.
بونا نه عاطفه راضی دی نه غیرت نه شرف
شهره لازمدی سالام محشر کبرانی گجه
.
اللریم باغلدی دینِ نبوی خاطرینه
حکم ناقضدی شریعتده پریشانی گجه
.
غیرتیمنن ولی شمشیریم اَسور جلدینده
چاره سیز ایلیورم خشمیمی قربانی گجه
.
اولانم فاطمه میدی اودا اَلدن گئتدی
حیدره بیلدی روا محنت هجرانی گجه
.
یاخچی ساخلا حَسنینون ننه سین ای تپراق
هامی اینجیتدی سن اینجیتمه بو مهمانی گجه
.
مرتضا ناله لری تپراقیدا گَتدی دیله
معنیده آچدی بو نسگل لبِ ایمانی گئجه
.
دست کم دوتما دئدی فاطمه نی من تانورام
چوخ قویوب سینَمَه محرابیده پیشانی گئجه
.
گورموشم آغلیان اوقاتیده چوخ گوز یاشینی
آغلادوب اوغلی اولنده منی طولانی گئجه
.
چوخ قویوب اَل یوزومه سیلی دینده یوزونه
اوتوروب دَردِ دل اِئتدی منه پنهانی گئجه
.
گوزوم اوستونده علی ساخلیارام فاطمووی
قویمارام سندرا پهلوسینی هر جانی گجه
.
حکم شرعیدی یوباندرما مطهّر نعشی
توکمه گوزلردن ، ئوزه چشمه ی جوشانی گجه
.
منتظردی آلا آغوشه اونی ختم نبی
قویما گوز یولدا قالا حضرت طاهانی گجه
.
سن دئنن وئردون امانت منه سالم قزُوی
ایندی آل بو داغلان شَدّهِ ی مرجانی گجه
.
آلدی حسرتله علی دلبرین اَل اوستونده
اولدی آماده ادا اِیلیه پیمانی گجه
.
ئورگی تنگه دوشوب اوت نفسینّن چخدی
قویدی تپراقه غَرَض مفخرِ نسوانی گجه
.
اَله تپراقی آلوب چاره سیز اللهن اَلی
توکدی آهسته ، نهان ایلیه جانانی گجه
.
هر اَلین تپراقی قبر ایچره اولوب پاره بولود
ذرّه ذرّه بورودی اختر تابانی گجه
.
اولانن اولمیانن سانکی علی دفن ائله دی
درک ائدوب دار و ندارینده کی یغمانی گجه
.
قدرینی بیلمینین قیرینیده بیلمزلر
اودی پنهان اِئلیوب تربتِ والانی گجه
.
یولا دوشدی اوینه ساری آدامسز مولا
نجه گئتدی گوره سن منزله بحرانی گجه
.
اِئو نه اِئو غم بوریوب دورو بَرین هاله کیمین
درک ائدوبدی درو دیواریده جریانی گجه
.
دورد بالا هر بیری غمنن یوخی دوشموش باشنا
ننه وای ناله سی قالخور گویه طوفانی گجه
.
ننه نین وار یِئری مین دفعه دولانسون باشنا
ساخلیامّز آتا بیر لحظه ده طفلانی گجه
.
بله نیسگیلّی اولان لحظه علی گلدی ائِوَه
آشکارا یارادوب محشر عظمانی گجه
.
بیر اَلین دوتدی حسن بیر اَلینی دوتدی حسین
اضطرابیله دوتوب قیزلاری دامانی گجه
.
مرحبی تپراقا گویدن وُرانون اَسدی دیزی
اگدی زهرا غمی قدّ ِ شهِ مردانی گجه
.
اوتدلار تعزیه ده هی دئدیلر آغلادلار
برگزار ایله دیلر شام غریبانی گجه
.
باغبانسز سارالوب باغیده دورد آلاله
الین آتدی باشنا باشلادی زینب ناله
.
آنا جان کلبه ی احزانوه زینب قربان
گیزلیده ایلین افغانوه زینب قربان
.
ای گَلنده ائوینه گول یوزونه سیلی دَگَن
یوللاراوسته یورولان جانووه زینب قربان
.
قاپوموز قالدی آچوق یاسه گَلَن یوخدی ننه
تعزیه دار پریشانووه زینب قربان
.
ایکی اوغلان ایکی قز بیر آتا شرکت ائلیین
مجلس شام غریبانوُه زینب قربان
.
#فاطمیه_شهادت
#گئجه_آشفته_گئجه_زار_گئجه_فانی_گئجه
#ترکی
.
✍️ #زبدةالاشعار ✍️
.
🆔: @nohe_torki
نظر دهید