زبدةالاشعار

گیتسن اگر زیارت اخیاره شامیده #خرابه_شام #غمناک_تبریزی

حالات شام
.
✍️ #زبدةالاشعار ✍️
.
🆔: @nohe_torki
.
مرحوم محمد تقی فرهادی (غمناک تبریزی)
.
گیتسن اگر زیارت اخیاره شامیده
چوخ آغلا اهل بیت اطهاره شامیده
.
گوزیاشون آخسا شط کیمی آزدی صبح وشام
بولسن نولوبدی عترت اطهاره شامیده
.
گویا گلور سکینه نون افغانی ایندیده
قویموش یوزین خرابه ده دیواره شامیده
.
از بس که گون دگوب قیزاروب رنگی گل کیمی
بنزر یانان دوداقلاری گلناره شامیده
.
آغلارحزین حزین گوزونون یاشینی توکر
مشغول اولوبدی دیدۀ خونباره شامیده
.
باشین سالوب اشاقه یوزون خلق گورمسین
ایلوب نقاب زلفونی رخساره شامیده
.
شام اهلی بیربیرینه ویرور نشان اونی
بو قیزکیمیندی اولوب آواره شامیده
.
بو هانسی دودمانون عزیره عیالی دور
اولموش اسیر فرقۀ اشراره شامیده
.
هر چند اسیر دور اُزی امّا نجیبه دور
دیندیرمینجه گلموری گفتاره شامیده
.
چوخ نازوعزّتیله تاپوب پرورش یقین
ذلّتده ایندی گور اولوب آواره شامیده
.
چوخداندی گورمیوب گورون شانه زلفنی
ال دگمیوب بو زلف سَمَنباره شامیده
.
تنگه گلوب زبس گوروب آزار خلقیدن
دوتدی یوزونی زینب بی یاره شامیده
.
عمه ندور بو قدر جفا جودی اهل شام
مایل دیلر اذیّت و آزاره شامیده
.
آیا روا دور احمد مختار قیزلاری
اولسون نشانه طعنۀ اغیاره شامیده
.
بس اولمیوب سویوبلا قالوب باشیمیز آچوخ
محتاجوق ایندی معجر زرتاره شامیده
.
گل اوز قیزلارون یوزونه باخماق اولموری
گل تک سولوب اولوبلا گونی قاره شامیده
.
بیماره باخ یاتار قوری یرده عَلَی الدّوام
زنجیره باخ ویروبدولا بیماره شامیده
.
اولموش طبیبی شمر آلوب نبضینی اَله
فکرایلرایلسون اونا بیر چاره شامیده
.
فکرایلوری نه ظلم ایلیوب الدوره اونی
بوقصدیلن چکوب اونی بازاره شامیده
.
امّا چتیندور بیرده داخی شمر اَل تاپا
بیمار آل احمد مختاره شامیده
.
ظاهرده قورتولوب اُسرانون مصیبتی
اولماز دوباره گُل یتیشه خاره شامیده
.
بحث ایتمسین بوشعریده «غمناکه» هیچ کس
چون بیله امر اولوب یازا اطواره شامیده
.
#خرابه_شام #غمناک_تبریزی
#گیتسن_اگر_زیارت_اخیاره_شامیده
#ترکی
.
✍️ #زبدةالاشعار ✍️
.
🆔: @nohe_torki

متن پیشنهادی:  دور حسینیم شامیدن گلدی عزالی زینبون #اربعین_محمدباقر_دائمی

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی