کوچ از کربلا
.
✍️ #زبدةالاشعار ✍️
.
🆔: @nohe_torki
.
مرحوم انور اردبیلی
.
گیدورم شامه حسین سرور و سرلشگرسیز
سروریم یات یارالی کرب و بلاده سرسیز
.
.
نینوا دشتی بیزه اولمادی ایمن،نیلوم
گون ایوینده سنی عریان قویورام من،نیلوم
فرصت دفن و کفن ویرمدی دشمن نیلوم
قویارام پیکرویی چولده مگر مقبرسیز
.
.
نقدر عترتوه ظلم ایلسه قوم ظُلَم
بیزه نقصان یتیشوب عزتیمیز اولماز کم
جانشونیندی سنون زین العبا میر حرم
قافلم شکر اولا اللهه دگل رهبرسیز
.
.
عمريمون لحظه لری گرچه منه محشردور
دؤزرم غملره صبر عالمي پهناوردور
سن مبلغ سن اوجا نيزه سنه منبردور
.
.
ديني تبليغ ائدن هيهات اولا منبرسيز
.
.
قسم اولسون آنادان امدیگیم عالی شیره
شرزه شیرم نقدر وار بدنمده شیره
کوفه جلادلری چکدی سیزی شمشیره
تختیدن ابن زیاده سالارام خنجر سیز
.
.
زینبون قارداش عروقینده که قان حیدریدور
نیلیور خنجری برّنده سوزی خنجری دور
خنجرین ذاتی عرض دور لبه سی جوهری دور
لب لریمنن توکولون کلمه دگل جوهرسیز
.
.
حق دیین بنده کریم و صمدین مظهریدور
صفت امر به معروف گوزل زیوری دور
تک به تک آل علی کنز خدا گوهری دور
بو خزینه ابدا قالمیاجاخ گوهرسیز
.
.
سندیرار ابر گلی گلشنه توکسه دولونی
تازیانه ایله سندیرمش اوشاقلار قولونی
بودا بیر قافله دور باشلیوب عشقین یولونی
زنگی بیر خورداجا قیز ناخوشی وار بسترسیز
.
.
وار قاباقدا یورولان قیزلارا طولانی مسیر
زندگیدن گورورم عترت پیغمبری سیر
شهدانون آنالارین ایلیوب شمر اسیر
صود دوشونده ملیورغملی رباب اصغرسیز
.
.
قوجالان وقته آنا عمری اولار بی پایه
سرو قد اوغلی سالارباشینون اوسته سایه
اوغلونون بیر تلینی ویرمزیدی دنیایه
لیلیه چاره ندور شامه گیدور اکبرسیز
.
.
نهروان شیخی لرینده او قدر واردور کین
پر جبریلی سالار تپراقا بو قوم لعین
او که سیمرغ کیمی آچمیشدی بال و پرین
سو کنارینده یخوبلار یارالی شهپرسیز
.
.
قوجا دنیا هله سرگرمیدی اوز گشتینده
سر یحیانی گوروب دشمننون طشتینده
باتدی اولدوز لاریمیز کرب وبلا دشتینده
چرخ اجلالیمیزی ایلدیلر اختر سیز
.
.
ای یدالله نه‌عهد ایلموسن اولده
کیم کسوب اللریویی اللری قالسین الده
هانی بو ظلمه قرینه اولا بیر مقتلده
ویرالار نیزیه یتمیش ایکی باش پیکرسیز
.
.
ساخلاسین بو سوزومی سینه ده تاریخ بشر
قارداشیم محسنیله قارداشیم اوغلی اصغر
بیریسی اممدی پستان بیری سودسوز صود امر
بیلارین محکمه سی قالمیاجاخ داورسیز
.
.
اللی بش ایلدی سپهر مُحَنون اولدوزیام
مونسیم غمدی ئوزوم سُفره ماتم دوزیام
ویریلوب الده ئولن بیر آنانون من قزیام
اورگیم آه سیز اولماز گوزوم اشک ترسیز
.
.
روزگارون روشی گورمنی نه حاله سالوب
مَحرَمَم وحی ایوینه دوره می نامحرم آلوب
یوخ جلوداری علینون قزی آواره قالوب
گورورم محملین اطرافین علی بنذرسیز
.
.
شمر چکدی اودا خرگاهیمی نمرود کیمی
سینه دن آهیم اوجالدی فلکه دود کیمی
آلیشوب آتش غمدن اورگیم عود کیمی
نجه بو یولاری من سیر ایلیوم یاور سیز
.
.
گل سولان وقته عزا ساخلیانی بلبل اولار
من کیمی بلبل ماتم ،نه سنون تک گل اولار
پر وروب شعلیه پروانه لر آخر کول اولار
یاندیرور سونمین اود زینبی خاکستر سیز
.
.
شمع مثلی اریدور داغلاری سوز محنیم
کوکب بختیمی قارداش تانیان یوخدی منیم
دیمورم قمچی وروبلار گوروبدور بدنیم
گلشن عشق گرک اولمیا نیلوفرسیز
.
.
طفلیدیم اوندا کی من زیب حرم خانه حسین
آنام آغلاردی ویراندا ساچما شانه حسین
نه منی بلبل حساب ایله نه پروانه حسین
بی بها سکه دی هر جان،قالا جان پرورسیز
.
.
قاسمین اولدی طویی گورمدی نُقل وشاباش
آناسی نُقل کیمی توکدی ایکی گوزدن یاش
دی حسن قارداشیما گوزلرون آیدین قارداش
قولاقی یاره گلین شامه گیدور معجرسیز
.
.
عمر سرمایه دی اما یوخیدی روح بقا
قبره ساری دوغولان گیدور انسان حقا
بیر کسیم یوخدی من یاده ایلیون ای رفقا
گوشه انجمنی درک ایده سوز انور سیز
.
.
#کوچ_کربلا #انور_اردبیلی
#گیدورم_شامه_حسین_سرور_و_سرلشگرسیز
#ترکی
.
✍️ #زبدةالاشعار ✍️
.
🆔: @nohe_torki
نظر دهید