گینه قلبیم گلوب درده اماندور ساربان گیتمه #راه_شام_وافی_تبریزی

راه شام
زبانحال حضرت زینب سلام الله علیها
.
✍️ زبدة الاشعار ✍️
.
?: @nohe_torki
.
مرحوم وافی تبریزی
.
گینه قلبیم گلوب درده
اماندور ساربان گیتمه
سکینم قالدی چوللرده
اماندور ساربان گیتمه
.
.
حسینین گورموسوز گیتمور
جداده نازنین باشی
باخور اوز گلدوقی سمته
توکور رخساره گوز یاشی
او نحویله ایدور واقف
سالور نظاره داغ داشی
اوشاقلاردان قالوب یرده
اماندور ساربان گیتمه
.
.
حسینیم بیر به بیر آخر
وداعینده من زاره
عیالین تاپشوروب گیتدی
ندور ایمدی منه چاره
عزیز جانیمی یالقوز
قویوم بو چولده آواره
اولوم شامه روان بیرده
اماندور ساربان گیتمه
.
.
حسینین جانینه هرگز
سکینم اولماسا پیدا
ایشیق گوندوز لرین قیلّام
بو جمعین لیلۀ یلدا
نقدری آتش ظلمه
منی یاندورسا بو اعدا
گوره للر اجرین آخرده
اماندور ساربان گیتمه
.
.
منیم تک مهربان عمّه
آدیم دلده بلا گردان
بالامی قویمارام هرگز
قالا چوللرده سر گردان
چاغورّام دادیمه یتسون
نجفدن من شه مردان
عزیزین گورسون آزرده
اماندور ساربان گیتمه
.
.
یتونجه شامه هر یرده
گرک شمرین جفاسیندن
دیم عالم بُله بیکس
حسینین ماجراسیندن
او قیز چوللرده سرگردان
قالوب بیز آل یاسیندن
توکر قانیاش رُخِ زرده
اماندور ساربان گیتمه
.
.
#سبک_علی_اصغر_مه_انور ( 8 سبک)
.
.
#راه_شام
#گینه_قلبیم_گلوب_درده
#وافی_تبریزی
#ترکی
.
✍️ #زبدةالاشعار ✍️
.
?: @nohe_torki