زبدةالاشعار

گینه مین خیالیله سالمشام باشما خیالوی یاعلی #حیدریه_صالح_تبریزی

مدح حضرت علی (ع)
.
✍️ #زبدةالاشعار ✍️
.
🆔: @nohe_torki
.
صالح تبریزی
.
گینه مین خیالیله سالمشام باشما خیالیوی یاعلی
بو امیده بیر گونی تا گورم او گوزل جمالیوی یاعلی
.
.
مه مهر و انجم و آسمان سنیله تاپوب شرف و جلال
سنه کیمسه رتبه و جاهده یته یا برابر اولا محال
بو جهان گیده گله مین جهان سنون اهل معرفت و کمال
ایده جاقدی مایۀ آبرو صفت کمالیوی یاعلی
.
.
سنیله حریم ولایته سرکوی وحدته راه وار
در دولتینده شهاسنون هامی بی پناهه پناه وار
یر اوزونده کیمده سنون کیمی بو مقام و حشمت و جاه وار
هامی کیمسه دن حق ایدوب فزون شرف و جلالیوی یاعلی
.
.
سنیله مباهی و افتخار صف حور و فوج سروش ایدر
سیلان مهرویله سنون یم عشق جوش و خروش ایدر
اولا پای بست کیمسنه هامی عمر حلقه گوش ایدر
در خاص پند و کلاموی گهر مقالیوی یاعلی
.
.
بو زمانه ده سنه هرکیمون اولا دلده حب ولایتی
گیده قبره خوف و غم ایلمز اولی سهل حول قیامتی
سنه دوست سهلیدی دشمنون اولی بی حساب ارادتی
گوره لایزال صفاتوی نبوی خصالیوی یاعلی
.
.
می ناب عشقوی نوش ایدن اولی می پرست اولی حق پرست
ایله باده نی وورا کیم دله اولی شور عشقوه پای بست
بو نه عشق دور بونه باده دور که ایدوب منی بیله مست مست
هله میل وار گنه نوش ایدم او می زلالیوی یاعلی
.
.
سنی خلقته سبب ایلیوب کرمیله ما خلق آفرین
هامی دورده اودی دورونه دولانور بیله فلک و زمین
سنون ای خدیو جهانیان گوره مثلوی بو جهان چتین
نجه برده مام جهان سنون گتوره مثالیوی یاعلی
.
.
یتوروبدی بیت معظمی شرف و جلاله جلالتون
شرف ارتروب ویروب ابرو هامی پیک حقه مناعتون
سنی کبریا منش ایلسون یری وار مقام سیادتون
بو جلالی کیم گوره یاد ایدر حق ذوالجلالیوی یاعلی
.
.
نه سفینۀ دله بیر زمان یم درد و غمده کناره وار
بیله موج بحر مخوفدن نه منه نجات دوباره وار
هامی درده سندن اولار دوا هامی چاره سیزلره چاره وار
باشیم اوسته لطف ایله تا گوروم اثر ظلالیوی یاعلی
.
.
او جلال و عزت و شأنیله او مقام و شوکت و جاهیله
او گل جمال و جمیلیله او خمار چشم نگاهیله
گهی ماهه دردوی سویلدون گهی دل دیدون سرچاهیله
دل لاله قانه دونوب گوروب او سرشگ الیوی یاعلی
.
.
سن اوسان که اخدی گوزون یاشی هامی عمر عارض انوره
گیجه گوندوز اوخشیوب اغلادون غم هجر دخت پیمبره
بو جهاندا منشی غم سنون یازا شرح حالوی دفتره
یتوشر تمامه مگر یازا غم و ابتهالیوی یاعلی
.
.
او پیمبرین قیزی فاطمه که ایدردی زخم دلون رفو
اونا بین درب و جدارده یاراووردی ثانی کینه جو
گیدوب ارزولرین ایلدون اوزوه شها الوم ارزو
حرمونده تاکه گورن زمان یارالی عیالوی یاعلی
.
.
سنیدون که یار و انیسسیدون هامی عمر درد و بلائیله
سنیدون که عمروی ایلدون سپری فقیر و گدائیله
بو سیادتیله هزار حیف دم تیغ و ظلم و جفائیله
ستم اهلی سالدیلا تپراقا ثمر نهالیوی یاعلی
.
.
هامی دادیار و طبیبلر سنه وار امید دل الغرض
بر اشارتونله مریضدن اولی دفع هر غم و هر مرض
سنی باغ و راغ بهشتله بو جهاندا ایلمرم عوض
هامی همتی بودی «صالحین» گوره گل جمالیوی یاعلی
.
.
#حیدریه_مدح
#گینه_مین_خیالیله_سالمشام_باشما_خیالوی_یاعلی
#ترکی
.
✍️ #زبدةالاشعار ✍️
.
🆔: @nohe_torki

متن پیشنهادی:  ملک لر آغلایور شام غریبان پیمبرده #پیامبراسلام_یحیوی_اردبیلی

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی