یئتیشدی یثربه غم کاروانی آغلادیم یاندیم

ورود به مدینه
.
✍️ زبدة الاشعار ✍️
.
🆔: @nohe_torki
.
اصغر الماسی اهری
.
یئتیشدی یثربه غم کاروانی آغلادیم یاندیم
دوتوب محنت توزی کلّ جهانی آغلادیم یاندیم
.
مدینه شهرینه قالمیش ائدیبدور کاروان سٌکنا
قورولدی چادران آشیانی آغلادیم یاندیم
.
اوغول وای، قارداشیم لای لای صداسی قاخدی اسمایه
عزا دوتدی گئنه عرض و سمانی آغلادیم یاندیم
.
امام ساجدین شاعر بشیره امر ائدوب تئز گت
مدینه اهلینه ده ماجرانی آغلادیم یاندیم
.
اطاعت ایلدی گویا گدوب فاش اتدی یثربده
حسین و ماجرای کربلانی آغلادیم یاندیم
.
مدینه اهلی گوز یاشی آخوب تئز چیخدی منزلدن
ائشیتدی کیم غم بی انتهانی آغلادیم یاندیم
.
بشیر عرض اتدی ای مردم حسینون خاندانیندن
گلیبدور ،ایلیون تئز میزبانی آغلادیم یاندیم
.
چیخوب پیشوازه مردم گوردولر غملی اسیرانی
اوجالدی گویلره آه و فغانی آغلادیم یاندیم
.
واریم بیر مطلبیم بوردا دئسم جیسمیمده قورخوم وار
بو محنت آغلادا صاحب زمانی آغلادیم یاندیم
.
امام عصره دلداری وئرنده آغلاشوب مردم
گوروبلر چونکی جای خیزرانی آغلادیم یاندیم
.
کئچوم سوزدن امام عصر ائدوبدور خطبه سین ایراد
اَوَلده اتدی حمد لامکانی آغلادیم یاندیم
.
میان خطبه ده ویردی اشاره داغ محنتدن
عیان اتدی بلای نینوانی آغلادیم یاندیم
.
دئدی ئولدوردولر یالقیز بابامی کوفه نون اهلی
چوخور یئرده چیخوبدور تشنه قانی آغلادیم یاندیم
.
بیری میداندا اولدی إربأ إربا وئردی جان اما
بیری نهر اوسته قولسوز آخدی قانی آغلادیم یاندیم
.
بیری شش ماهه ئولدی دَیدی اوچ پر اوخ بوغازیندن
بیری اتدی مکان ویران سرانی آغلادیم یاندیم
.
غرض گلدی پیمبر مسجدینده کاروان بعدا
هره بیر یئرده تا دوتدی نوانی آغلادیم یاندیم
.
بیری عرض اتدی وا جدّا،بالام اوخلاندی لب تشنه
نواسی یاندیروبدی کهکشانی آغلادیم یاندیم
.
دئیوردی سینمه سنسیز گلوب صود اصغریم دور گل
اوغول هجری ائدوب نالان آنانی آغلادیم یاندیم
.
بیری عرض اتدی وا جدّا، بالام دوغراندی میداندا
سوسوز اون سکّیزایلّیک مه لقانی آغلادیم یاندیم
.
بیری عرض اتدی وا جدّا ،بویاندی قانیلن حجلم
عروسیمده باشا سالدیم قرانی آغلادیم یاندیم
.
او لحظه گلدیلر عبدالله و ام البنین گویا
دوتوبلار الده مشکیله لوانی آغلادیم یاندیم
.
هره بیر سوز دئدی آخر یئتیشدی زینبه نوبت
اَگیلدی اوپدی زینب آستانی آغلادیم یاندیم
.
دئدی دور کربلادن دیاده کی تاب و تبون گلدی
آغاردی ساچلاری غمدن بلالی زینبون گلدی
.
آتا آه و نوای کربلانی من دئیوم یا سن؟
نه گلدی باشیمه دور ماجرانی من دئیوم یا سن؟
.
گئدنده اکبرون میدانه ساری تشنه لب گویا
نجور ئولدوردولر زیبا نمانی من دئیوم یا سن؟
.
محمد عونیلن جعفر،حبیب و حنظلندن یا
عروسینده دوتان بزم عزانی من دئیوم یا سن؟
.
فراتی فتح ائدوب بیر مشکه خاطر اوخ دَیَن گوزدن
بدندن قولّاری اولموش جدانی من دئیوم یا سن؟
.
ائدن غملی ربابی سینه سی شرمنده اصغردن
قالاندا اَلّری اوسته بالانی من دئیوم یا سن؟
.
دَیَنده اوخ ییغوب قانین سَپَنده یدّی اسمایه
قالان وقتینده آواره آتانی من دئیوم یا سن؟
.
بالان میدان آراسینده قالاندا یکه و تنها
او لحظه عاشق بی اقربانی من دئیوم یا سن؟
.
دَیَنده اوچ پر اوخ تا سینه سیندن بیر چوخور یئرده
گورگدن چیخدی اوخ چون آخدی قانی من دئیوم یا سن؟
.
آنان زهرا گلنده مقتله تا گوردی اوضاع نی
ائدوب آه و فغان،قدّی کمانی من دئیوم یا سن؟
.
ائدنده غارت اخیامی نجور اخیامیلر یاندی
قاچار بیر قوش یانا گر آشیانی من دئیوم یا سن؟
.
اولوب شام غریبان اوچ مکاندا هر بیری نیسگیل
تنور خولیده چوخ ماجرانی من دئیوم یا سن؟
.
گئدنده کوفیه مردم آتاندا نفرتیلن داش
دَیَنده قارداشیمدان آخدی قانی من دئیوم یا سن؟
.
دئیوردی شرمیسیز ملت گلنلر خارجیلردی
دولاندوخ بیز او شهر ایچره هایانی من دئیوم یا سن؟
.
بلانی کوفه دن چیخدوق مسیر شامیده آیا
جفا ایله یورولموش آهووانی من دئیوم یا سن؟
.
رقیّم چوخ یورولموشدی دایاندی کاروان گئتدی
او لحظه آغلیانی آغلادانی من دئیوم یا سن؟
.
یتیشدوخ شامه قول باغلی برهنه ناقه لر اوسته
ویراندا یولدا دشمن خیزرانی من دئیوم یا سن؟
.
رقیّم چوخ ملالیلَن گوزون ویرانه یومدی
نه گلدی باشینه بیر بیر بلانی من دئیوم یا سن؟
.
کفنسیز نیلیوم بوکدوم اونی بیر قاره معجرده
نه گتدی باشیمه ویران سرانی من دئیوم یا سن؟
.
.
#ورود_مدینه
#یئتیشدی_یثربه_غم_کاروانی_آغلادیم_یاندیم
#الماسی_اهری
#ترکی
.
✍️ #زبدةالاشعار ✍️
.
🆔: @nohe_torki