استغاثه به حضرت صاحب زمان (عج) و گریز به مصائب حضرت زهرا (س)
.
✍️ زبدة الاشعار ✍️
.
🆔: @nohe_torki
.
#بیضایی_بناب
.
یابن الحسن ئورکلره مهرون نشانه دی
گل شیعه لر قلوبی سنه آشیانه دی
.
هر هفته جدون غمینه سینه داغلاروخ
سیزدن بیزه بو آغلاماق آیدئن سرانه دی
.
بیر عده هیئتی ئوزونه ملعبه ائدیب
هیئت وسیله وسیله دور هدف آیری زمانه دی
.
ظاهرده جدّیوه قورولور مجلس عزا
باطنده آیری فکری وار اونا روضه بهانه دی
.
هیئتلری ساتولّا بولار انتخاباتا
وار پشتوانه سرّی ولی محرمانه دی
.
بیر عده لر حسین علمین معامله ائدور
دنیادن ئوتری بیر ثمن عامدانه دی
.
روضه آدیلا نصب اولونور هر یره بنر
احسانلاری حسینیه لرده شبانه دی
.
دورد ایلدهَ بیریول هیئته باش ورمویان وکیل
هر گون گزور قاپی قاپی ،قمریِ خانه دی
.
قوربان او انتظار گوزووه هارداسان آقا ؟
سن سیز جهان محبلره حبس خانه دی
.
هر جمعه یولارا باخان عاشقلرون دیور
عجل علی ظهورک َ،ذکر یگانه دی
.
ای یوسف مدینه سنه شیعه لر فدا
تا گلمسون بو ذکر بیزه جاودانه دی
.
کفر توتوبدی عالمی شیطانلار اوینویور
مظلوملارا جهان هله تاریک خانه دی
.
سوریه و یمنده آقا قان توکور عدو
آمریکا ، انگلیس روشی جابرانه دی
.
بیرده آقا فلسطینه باخ یا عراقه باخ !
خاورمیانه دشمن بیرحمه لانه دی
.
کعبه دوشوب سعود الینه قان توکور هله
دین الده بیر بهانه دی ایش ظالمانه دی
.
وهابی لر مدینه ده جولان وئرور هله
اسلام آدیلا فکریلری جاهلانه دی
.
ایرانین اهلینین سیزیلن واردور الفتی
آل اللهه علاقه سی چون عاشقانه دی
.
ایران مقاومت دژینون قهرمانیدی
وار ارتباطی عترتیلن خالصانه دی
.
یابن الحسن هایانداسان ای لنگر زمان
ایله ظهور دعالریمیز عارفانه دی
.
ایام فاطمیه دور آناوئن یاسی باشلانوب
گوزلردن اشکیمیز غمینه دانه دانه دی
.
پیغمبرین عزیزه سینه ائدیلر ستم
قلب شریف حیدره محنت خزانه دی
.
زهرا یاتوبدی بستر بیماریده یانور
بیر شمع تک ولایتینه پشتوانه دی
.
لاله کیمین ایله سولوبدی پیمبر نشانه سی
الدن گئدیب توانی ئورک غم سرانه دی
.
گاهی یئغور بالالارونی باشینه ئوپور
مه یوزلرون ، محبتی چون مادرانه دی
.
تا بولمسین علی محنین گیزلین آغلیور
رکن ولایته ادبی صادقانه دی
.
نیلی یوزون عموغلوسونا ورمیوب نشان
مهری امام عالمینه دلبرانه دی
.
حال نماز بیر اللی قنوتین ائدور ادا
قالخموردی بیر الی سببی تازیانه دی
.
الله بولور قاپئسی یاناندا نلر چکوب
گیزلینجه اشکی یوزونه یانه یانه دی
.
مسمار در او گون ایلیوب یاره سینه سین
دردی یارالی جسمیده ، تیر کمانه دی
.
دویموش جهانیدن ئوزونه ایستیور ئولوم
ذکر ودعاسی خالقینه عاجزانه دی
.
زینب ائوین بویوک قئزی دور خدمت ایلیور
مهر ومحبتی آنیا کودکانه دی
.
هردن باخور سولان یوزونه اشکینی توکور
غم شعله سی یانان دلینه چون زبانه دی
.
گاهی بالاجا اللرینی گوزویور گویه
ایلور دعا آناسئنا سرّی نهانه دی
.
گیزلینجه آغلیور حسنین غملی مادره
گول یوزلرونده گوزیاشی آتش فشانه دی
.
بسدور قلم بو قدر داخی یازما غم سوزون
درد بتول شیعه لره جان ستانه دی
.
(بیضائیا) بو شعریوه دوز قاتماسا علی
دوشمز دیله تلاشلرون احمقانه دی
.
#مهدیه
#فاطمیه_شهادت
#یابن_الحسن_ئورکلره_مهرون_نشانه_دی
#ترکی
.
✍️ #زبدةالاشعار ✍️
.
🆔: @nohe_torki
نظر دهید