«استغاثه محضرامام زمان(عج) #گریز به خرابه وزبانحال رقیه خاتون»
.
✍️ زبدة الاشعار ✍️
.
🆔: @nohe_torki
.
.
محمدعلی مصیبی تبریزی
.
.
سبک : آقا – مولا – عَجِّل علَی ظهُوُرک
.
یابن زهرا ای جهاندا اقتدارین صاحبی
سن سن آقا پرچم هشت و چهارین صاحبی
.
قائم آل محمد ای سلیل مصطفی
دار دنیاده بوتون داروندارین صاحبی
.
چوخلاری باشه قویوبدور ایندی تاج زرنگار
سن سن البته او تاج زرنگارین صاحبی
.
منتظر گوزلر یولون گوزلور ایا کان شرف
چیخ حجاب غیبدن ای انتظارین صاحبی
.
گول ستاندا دوشسه صرصرباشلاسا جورخزان
گول دۆزر گلسون خزاندا لاله زارین صاحبی
.
هانسی گولدور حُسنده سن تک دل آراخلق اولا
خلقتینده ائتدی غوغا روزگارین صاحبی
.
کعبۀ کویونده؛عاشق دردینه درمان تاپار
سن سن آقا درد و درمان و قرارین صاحبی
.
گوزیاشیم تا موج ائدورهجرونده ،دردیم آرتیرور
کیمسه دور سن تک اولا بو چشم زارین صاحبی
.
چک قلنجین تاپماسین بیرآن منافقلر امان
سن سن آقا بعدِ حیدر؛ ذوالفقارین صاحبی
.
ثار ثاراللهی توکدی توپراقا قوم نفاق
داردنیاده فقط سن سن او ثارین صاحبی
.
اهل بیتین ائتدیلر چوللرده سرگردان آقا
نیزه ده آغلار قالوب خُردوکبارین صاحبی
.
کاروان غم تاپوب سُکنیꞌ خرابه شامیده
بیر سه ساله قیزاولوب اوردا مزارین صاحبی
.
ایندیده ویرانسرالرده رقیه آهی وار
زینبه دردین دیور اول گول عذارین صاحبی؛
.
گویده اولدوزلارساییندان چوخدی دردیم عمه جان
نیله سون آخربودردبی شمارین صاحبی
.
بیرغزالیدیم شکار دست صیاد اولموشام
زجریلن خولی اولوب من تک شکارین صاحبی
.
قوی نه اندازه ورور ورسون بیزی شمر دنی
آخر ایندی شمردور بو کارزارین صاحبی
.
شاهزاده بیر قیزام اما بو دنیادن فقط
اولموشام بیرسینه زار و فکارین صاحبی
.
عمه جان بیلمور مگر مظلوم بابام جان اوستیم
هارداقالدی بس بو طفل اشکبارین صاحبی
.
گر بابام گلمورسفردن هاردادی بس اکبریم
کیمدی آخر بو یتیم داغدارین صاحبی
.
نصف شب عالم یاتان وقتی قولاقیم آغروری
سویله رحم ائتسون بو حاله روزگارین صاحبی
.
یادگار اکبری چکدی قولاقیمدن عدو
نیلرم گلسه اگر اول گوشوارین صاحبی
.
اشک حسرت اکبرین هجرینده سیل ایلر گوزوم
گلمسه ؛ نیلر بو چشمان خمارین صاحبی
.
صرصرظلم اسدی عمه اولدی گلزاریم خزان
صولدی گوللر ئولدی هم باغ و بهارین صاحبی
.
عمه جان قوللاریمی آچ بلکه راحت جان وئروم
تاخلاص اولسون بو اندوه وفشارین صاحبی
.
قورخورام من جان وئرینجه بیرده گلسون شمردون
نیلرم گلسه او دست نابکارین صاحبی
.
کربلاده ووردی بیرسیلی یئری آغرورهله
چوخ بیزه ظلم ائتدی بوایل وتبارین صاحبی
.
وقت هجران یتدی عمه تئز گرک راهی اولام
واردی جنتده منیم تک جان نثارین،صاحبی
.
گوزلری یوللاردادی گوزلور منی زهرا آنام
چون آنام زهرادی بو نیلی عذارین صاحبی
.
یاز«مصیب»حق یارالدوب شامیده شأن و وقار
جز رقیه کیمدی اول شأن و وقارین صاحبی
.
.
#سبک_اذن_ویر_یارب_گله
.
#مهدیه
#حضرت_رقیه_شهادت
#یابن_زهرا_ای_جهاندا_اقتدارین_صاحبی
#مصیبی_تبریزی
#ترکی
.
✍️ #زبدةالاشعار ✍️
.
🆔: @nohe_torki
نظر دهید