خروج از مدینه
.
✍️ زبدة الاشعار ✍️
.
🆔: @nohe_torki
.
حاج مجید بدایعی (اشکی تبریزی)
.
یاتما دور سال یثربه شیون خداحافظ آنا
آیریلور اوغلون بو قبریندن خداحافظ آنا
.
.
قبریوه قربان اولوم ای دفن اولان گیزلین گیجه
آیریلور گور میوۀ قلبین بو قبریندن نجه
سرعت طی مراحل وار اگر قالسام گئجه
یول تاپار مقصودینه دشمن خداحافظ آنا
.
.
اون ایکی مین نامۀ دعوت یازوب اهل عراق
ظاهراً بو نامه لر دعوتدی باطنده نفاق
ایتماقا اتمام حجت دلده وار چوخ اشتیاق
گلمیشم سندن آلام رخصت خداحافظ آنا
.
.
دعوت حقدور گرک بو دعوتی ایجاب ایدم
گلشن دینی طراوتلندیرم شاداب ایدم
سو یرینه قانیمی ایثار ایدوب سیراب ایدم
سولمیا تا حشر ، بو گلشن خداحافظ آنا
.
.
بو سفرده من مُقَدَّر دور جدایه باش ویرم
عهد و پیمان ائتمیشم قربان اوغول قارداش ویرم
سود امر بیر طفلی بزم یاریده شاباش ویرم
ایستیوب یاریم بئله مندن خداحافظ آنا
.
.
وار یادوندا هر گیجه همدم اولاردیم من سنه
نقل ایدردون اوندا سن بعضی حکایتلر منه
زینبی آگاه قیلام قصۀ پیراهنه
ایسترم بیر کهنه پیراهن خداحافظ آنا
.
.
سن منیله عهد و پیمان ایتموسن روز ازل
گلمیشم دلواپس اولما عهدیوه ایله عمل
کربلا صحراسینه سن روز عاشوراده گل
ایلینده عترتیم شیون خدا حافظ آنا
.
.
کربلاده پیکریم باشسیز دوشنده مقتله
هم اوزون رنجه قدم قیل گل ، آتامدا دئ گله
باشیمی خولی تنورینده تاپوب قانین سیله
جای راز دلدی اول مسکن خداحافظ آنا
.
.
سن آنا آگاهسن احکام دین و مذهبه
مکتبینده ویرموسن درس شهامت زینبه
وار منیله شرکتی واقف اولوب هر مطلبه
خاطرین قیل بو سوزه ایمن خداحافظ آنا
.
.
مقصدیم هر چند اَوَّل کعبه دور سعی و صفا
قسمت اولماز عید اضحی ده منه ذبح منا
شوقیله تشکیل ویرم بیر منای کربلا
فخر ایدم جدیم خلیله من خداحافظ آنا
.
.
کربلا آدی گلنده کربلا یاده گلور
اشک چشمیله دولور گوز جامی دل داده گلور
گوره سن «اشکی» او گونلر بیرده دنیایه گلور
قبر پاکینده ایداق شیون خداحافظ آنا
.
#سبک_زینبم_جان_اوستیم ( 4 سبک سینه و زنجیر تک ضرب )
.
#خروج_مدینه
#یاتما_دور_سال_یثربه_شیون_خداحافظ_آنا
#اشکی_تبریزی
#ترکی
.
✍️ #زبدةالاشعار ✍️
.
🆔: @nohe_torki
نظر دهید