یاتما رقیه شامیده یثربه کاروان گئدر #کوچ_شام #کریمی_مراغه_ای

کوچ از شام
.
✍️ زبدة الاشعار ✍️
.
🆔: @nohe_torki
.
#سبک_واردی_باشیمدا_یا_حسین …. #سبک_ای_حرمینه_ناز_ائدن … #سبک_عطری_گلور_محرمون و …
مشابه
.
کریمی مراغه ای
.
.
یاتما رقیه شامیده
یثربه کاروان گئدر
دوریولا سال باجون گئدر
عمه گئدر آنون گئدر
.
.
یوخلاما نازنین باجی
دور گئدیروخ مدینیه
قویما یوزوی تپراقا
دور گتی قوی بو سینیه
اهل وطن سوروشسالا
بس نه گلوب رقییه
نیلرم اوندا قلبیمه
غصه گلر توان گئدر
.
.
یاده سالاندا نسگلون
سینمی داغلارام باجی
سیل بهارتک یوزه
اشکمی باغلارام باجی
آج قوری یئرده ئولماقون
یاد ائدوب آغلارام باجی
بیرده یارالی سینه دن
داغ غمون هاچان گئدر
.
.
بیر ایلی فرصت اولمادی
ائتماقا شانه زلفووی
دوتدی غبار غم گورن
گلدی فغانه زلفووی
دور یووارام گلابله
ائتمه بهانه زلفووی
عمه لریم سن اولماسان
گئتسه ده ناگران گئدر
.
.
گرچه اؤرکده محنتون
چوخدی باشی بلالیسان
قلبووی تیر غم بؤلوب
غصه لی سن یارالیسان
شامیده مسکن ایلمه
سن باجی کربلالیسان
باور ائله سن اولماسان
قافله میز گران گئدر
.
.
دور داخی یوخدی ساربان
باغلیا راه چاره وی
شاد ائدرم رقیه من
بو دل پاره پاره وی
وئردیله غارته گئدن
خرداجا گوشواره وی
آل باجی سال قولاقووه
گون دولانار زمان گئدر
.
.
اولدی خرابه گوشه سی
حسرتیله وطن سنه
کول باشیما تاپولمادی
شامیده بیر کفن سنه
اولدی کفن بو شهریده
کهنه او پیرهن سنه
قبریوه ایندی هر باخان
آغلار ائدر فغان گئدر
.
.
#یاتما_رقیه_شامیده_یثربه_کاروان_گئدر
#ترکی
.
✍️ #زبدةالاشعار ✍️
.
🆔: @nohe_torki