زبانحال زینب کبری
در بالین سیدالشهدا در قتلگاه کرببلا
.
✍️ #زبدةالاشعار ✍️
.
🆔: @nohe_torki
.
حاج علی صراطی
.
یاتموسان ندن حسینیم یرده بی کفن یارالی
اولموسان یر اوسته پرپر همچو یاسمن یارالی
.
.
ای فدای راه قرآن زینبون بو جسمه قربان
یاتما قوملار اوسته عریان سربسر بدن یارالی
.
.
سن بو دین حق یولوندا بحر محنته باتاردون
درس دین دیماقدان اؤتری گرچه خوندل اوتاردون
هاردا قانلی قوملار اوسته بیله بی کفن یاتاردون
ایمدی باتمیسان ولیکن قان ایچینده تن یارالی
.
.
قانیله اولوبدی رنگین گوئیا درخت طوبا
خاکیله اولوبدی یکسان آب کوثرین یانندا
قول بوداقوی سالوبلا ای سرور قلب زهرا
واحسین منه بو چولده اولدی سرسخن یارالی
.
.
سن اوسان که هر زماندا فکر زینبه قالاردون
قلبی غصّه لی اولاندا گویلونی ئوزون آلاردون
کثرت محبّتوندن بوینونا قولون سالاردون
یوخسا کسمسن علاقه من غریبدن یارالی
.
.
سسلورم حزین سسیله من سنی نقدر ای شاه
گوئیا که هیچ دگولسن حال زینبوندن آگاه
قلبیمین ملالی چوخدی وئر سسیمه سس سن الله
سالما زینبی بو چولده بیله دیده دن یارالی
.
.
سن مگر دگلدون ائتدون ای شهنشه ولایت
جدّیمین مدینه سینده من یاتان زماندا رأفت
گون عذاریمه دوشوبدی گوردون ایلوری اذیّت
حائل ایلدون عباوی اول زماندا سن یارالی
.
.
خوابیدن اولاندا بیدار دلده واریدی بو نیّت
ایلرم عوض بو لطفه سندن اولمارام خجالت
عفو ایله آنام بتوله قوی حسین بو زاره منّت
یوخدی بیر زادا گمانیم ایلیم کفن یارالی
.
.
من او بلبلم ستمله گلستانیم اولدی ویران
گللریم سولوبدی قارداش ظلم الیله اولدی خندان
عندلیب رنجدیده گل یانندا ایلور افغان
قالمیشام نه حاله سرّین یوخدی بیر بُلن یارالی
.
.
کاش آنام بودم اولیدی محفل عزا قوریدوخ
اوج عرش کبریایه بیدق الم ووریدوخ
واحسین سسیله قارداش قتلگاهی دولدوریدوخ
نوحه گر آنام اولیدی منده آغلین یارالی
.
.
قتلگاهده گچن گون زینبون اولوبدی خسته
بو سوزه واریمدی برهان ای یارالی دلشکسته
اللریم حکایت ایلر ماجرانی باشون اوسته
ای ائدن بو سرزمینی ئوزونه وطن یارالی
.
.
صبر و طاقتیم توکندی خیمه لر یاناندا قارداش
قزلارون چوله داغیلدی غارته ال آچدی اؤباش
قالدی اود ایچنده بیمار گوزلریم توکردی قانیاش
اولمادی کناره اودّان بیر نفر چکن یارالی
.
.
اهل بیتوون نواسی چخدی عرش کبریایه
قدسیان باخوب او حاله گلدی نی کیمی نوایه
یاندی خیمه لر ولیکن اولمادی گلن هرایه
آز قالوردی اودّا یانسون حجّت زمن یارالی
.
.
عهد قیلمشام ازلده صبر ائدم غم و بلایه
لیک اؤرک داش اولسا دؤزمز بیله غملی ماجرایه
باتمسان یر اوسته عریان آهیم اوج ایدر سمایه
پیکرونده قالمیوبدی بیرجه پیرهن یارالی
.
.
خوشدلم بو قتلگهدن گیتمیم قالام برادر
پیکر معطّروندن عطریوی آلام برادر
لیک جبریله گرکدی شامه یول سالام برادر
دادیمه گرکدی یتسین حیّ ذوالمنن یارالی
.
.
خوشدی آیرلاندا سندن روحوم آیریلا بدندن
زینبین حسین بُلورسن عُلقه کسمیوبدی سندن
مشگل امریدی که بلبل جبراً آیریلا چمندن
چوللره دوشه ستمله بلبل چمن یارالی
.
.
سن او طفلدون که جدّیم چگننه سنی آلاردی
خاطرون اولاندا محزون قیدیوه ئوزی قالاردی
ایگلیوب اؤپردی دائم بوینوا قولون سالاردی
گوز یاشون سیلوب دیردی ای عزیز من یارالی
.
.
رحلت ایلینده جدّیم امّته سنی امانت
تاپشوروبدی گئتدی قارداش لیک بو وفاسیز امّت
امر ختم مرسلینه قویمادی بو چولده حرمت
حیف اولا او امره امّت ویرمدی ثمن یارالی
.
.
ای وئرن جهانه زینت سرزمین کربلاسی
بو کتیبه نی صراطی یازدی دلده آه و واسی
نام کربلا دلینده وار اور کده مدّعاسی
قبریون برابرینده قورسون انجمن یارالی
.
.
.
#کوچ_کربلا #علی_صراطی
#یاتموسان_ندن_حسینیم_یرده_بی_کفن_یارالی
#ترکی
.
✍️ #زبدةالاشعار ✍️
.
🆔: @nohe_torki
نظر دهید