#شب_عاشورا
.
✍️ #زبدةالاشعار ✍️
.
🆔: @nohe_torki
.
واصف مرندی
.
یاحسین بن علی شعریمه سندن نظراولسون
مطلبیم معتبر اولسون
آدیوی مدح ائلیینده نفسیمده اثر اولسون
قلمیم باهنر اولسون
.
.
.
کیمی عالمده اوجاتسان اونی خوار ایله ماق اولماز
نوری نار ایله ماق اولماز
گرشعور اولماسا هر شعری شعار ایله ماق اولماز
شاهکار ایله ماق اولماز
تیغی بومعرکه ده چوبه ی دار ایله ماق اولماز
الفرار ایله ماق اولماز
مرد اودور عرصه ی ایثار وعملده قدر اولسون
صاحب جاه وفر اولسون
.
.
.
آی محرم آیینا واقعی آماده اولانلار
گوزی اشکیله دولانلار
آی علی اکبره وابسته لیاقتلی جوانلار
ادبیلن اوتورانلار
آی ابوالفضل آقامین مشکینه قربان چاغیرانلار
صف به صف سینه ویرانلار
گرگ عباس آدینا بزمیده شق القمر اولسون
تائوزوندن نظر اولسون
.
.
.
کیم حسین چی اولا ظاهرده قرا رنگیلن اولماز
قلبی نیرنگیلن اولماز
واقعی عرض وادب طبلیلن آهنگیلن اولماز
دل من تنگیلن اولماز
کوفه وشامیده کی فتنه وفرهنگیلن اولماز
غارت وجنگیلن اولماز
قویمویون زینب کبرا زحماتی هدر اولسون
اشیدیب خون جگر اولسون
.
.
.
اوخوساق گرشب عاشورادا برهانلی پیامی
هدف اصل قیامی
کفن آماده ادیب اول گجه یاران گرامی
اولدولار واقعی حامی
اومبادا گجه سی قویمادیلار یاقوز امامی
چکدیلر لب کلامی
دئدیلر جانلاریمیز تیربلایه سپر اولسون
آقامیز بی خطر اولسون
.
.
.
قورولوب محضرمولاده قرض منبر اجلاس
مسئله واقع و حساس
خدمتینده دایانیب قاسمیلن اکبر وعباس
تک تکی نابغه الناس
گوزلر اشکیله دولی سینه لری مملو احساس
عشقیدن عیسوی انفاس
گتدیلر اصغری اماریده بیر صود امر اولسون
یتمیش ایککی نفر اولسون
.
.
.
دوشدی بیعت سوزی تا خیمه لرین مشعلی سوندی
پاک اورگ یاندی دووندی
دنیوی شخصلر الساعه ره فانیه دوندی
نوریدن ظلمته چوندی
گتدی نامحرم و محرم گوزونه جلوه گوروندی
دئدی لبیک سئوندی
صبح مین یولدا ئولوب گر دیریلاق نوشتر اولسون
عشقیمیز بارور اولسون
.
.
.
اشکیلن غسل شهادت ادیب انصارو مهاجر
اولدو لار طیب وطاهر
وهب و مسلم ویاران هنر پرورو ماهر
عابس وشوذب قاهر
هم بریریله ظهیریله حبیب بن مظاهر
عمر کندی زاهر
بئله انصاره گرگ رهبر دین مفتخر اولسون
رحمت دادگر اولسون
.
.
.
هره ئوز بیعتینی ایلدی اول بزمیده اما
عهدینه ایلیه ایفا
کیم الین ئوپدی ادیب جنت رضوانه تماشا
نه تماشا نه تجلا
هره بیر جمله دئدی نوبه ابوالفضله چاتیب تا
دئدی یاسیدی مولا
عاشق کامل اولان چولده گرگ دربه در اولسون
واقف وباخبر اولسون
.
.
.
اوبهشتی کی بویوردون اونا یوخ آیری نیازیم
سن اولان یرده نه لازیم
سن منیم دار و نداریم سن آقا کعبه ی رازیم
مکه و کل حجازیم
چک اورحمت الیوی باشیمه ای بنده نوازیم
چاتا امضایه جوازیم
بیر دعا ایله فقط بوشب حسرت سحراولسون
عرض ادیم تا نه لر اولسون
.
.
.
صبح ثابت ائلییم کیم آقادی نوکری کیمدی
ئولومه مشتری کیمدی
اومبادا گونونون مرد هنر پروری کیمدی
خیمه غارتگری کیمدی
اوکی اعجاز اده جاق معرکه ده اللری کیمدی
جنبه دن حیدری کیمدی
سنه لبیک دین لرده گرگدور کسر اولسون
عرصه ده شیرنر اولسون
.
.
.
او علملر کی اسیر ورسن اجازه یاتاجاقلار
های هولر باتاجاقلار
کیفره سویولونا مانع اولانلار چاتاجاقلار
جان شراره آتاجاقلار
دین دنیالرینی مفته مسلم ساتاجاقلار
نوری ناری قاتاجاقلار
دشمنین دبدبه سی یعنی سحر زیر بر اولسون
واصفین مدحگر اولسون
.
.
#یاحسین_بن_علی_شعریمه_سندن_نظر_اولسون
#ترکی
.
✍️ #زبدةالاشعار ✍️
.
🆔: @nohe_torki
نظر دهید