#سلام_بر_عاشورائیان
.
.
.
مرحوم احمد رمضانی ( دلکش زنجانی )
.
.
.
یاحسین بوجمعیدن یکسر سلام اولسون سنه
بیزدن ای فرزند پیغمبر سلام اولسون سنه
.
.
ای منای عشقده تپراقلار اوسته جان وئرن
جانینی الله یولوندا تشنه لب قربان وئرن
نازنین باشین تنور خولیه مهمان وئرن
ای قالان گل پیکری بی سر سلام اولسون سنه
.
.
ای اسن باد خزان اول گلشن و گلزارینه
ای یولی باغلی قالان قان آغلیان زوّارینه
ای بیزی حسرت قویان اوز قبرینون دیدارینه
ایلین آماج مین غملر سلام اولسون سنه
.
.
ای باشی سر نیزه ده قرآن تلاوت ایلین
کوفه ننون اهلین ره حقّه هدایت ایلین
امتحان بزمینده هر آن اسقامت ایلین
برج اسلامیته اختر سلام اولسون سنه
.
.
یاحسین بیز اولموشوق روح روانون عاشقی
یوسف کرب وبلا اکبر جوانون عاشقی
اولدی قان اولموش اورك اول مه لقانون عاشقی
ای شهید نیزه وخنجر سلام اولسون سنه
.
.
یاحسین بیزده عزیز مجتبی مشتاقیوق
باشیله جاندان گئچن بیر باوفا مشتاقیوق
طوی حناسی قان اولان نو کدخدا مشتاقیوق
ای عزیز خالق داور سلام اولسون سنه
.
.
قلبیمیزده یاحسین تخم محبت اکمیشوق
اصغرون باب والحوائجدور اونا گوز تیکمیشوق
طوطی شیرین زباندان ئو تری چوخ غم چکمیشوق
ای عزیز ساقی کوثر سلام اولسون سنه
.
.
بیزلری مهمان ائله میر غضنفر قبرینه
یعنی عباس علی شیر دلاور قبرینه
گر یتیشساق یاحسین فرزند حیدر قبرینه
عرض قیلوق ای مه انور سلام اولسون سنه
.
.
گوردون عاشورا گونی طغیان ائدور قوم کَفَر
آز قالوب دین مبینه یتسون اعدادن خطر
تیغ تیز اشقیایه سینوی ائتدون سپر
حامی قرآن، هنر گستر سلام اولسون سنه
.
.
سن امیرالمؤمنین باهنر فرزندیسن
دختر خیرالورانین بیر گوزل دلبندیسن
جان و دلدن دین حقّین دائماً پابندیسن
ای صدفدن آیریلان گوهر سلام اولسون سنه
.
.
یا حسین سنسن عزیز حضرت خیرالنّسا
وار سنه الله یانوندا بیر مقام کبریا
چاره سیز درد و بلای خلقه ایلرسن دوا
نور چشم فاتح خیبر سلام اولسون سنه
.
.
« دلکش » غم دیده ایلر قبر پاکون آرزو
کربلا آدین دمادم دیلده ایلر گفتگو
قسمت ائت شطّین سویوندا شوقیله آلسون وضو
سویلسون ای خسرو خاور سلام اولسون سنه
.
.
#سلام_بر_عاشورائیان
#حسینیه_مدح #حسینیه
#ورود_محرم
#یاحسین_بو_جمعیدن_یکسر_سلام_اولسون_سنه
#دلکش_زنجانی
#ترکی
–
.
سلام و تشكر و سپاس كه اشعار حماسي انسانهاي ساده و بي ريايي چون دلكش زنجاني ( احمد رمضاني) كه اشعارشون با گوشت و پوست ما زنجانيها عجينه رو جمع كردين
اين شعر حماسي زنده ياد اقاي احمد رمضاني جزو اشعاري ست كه ورد زبان هر كودك و جوان و پير زنجانيه
خدا رحمتشون كنه
روحشون شاد
سلام
سپاس از همراهی تان
از لطف و محبتتان سپاسگزارم
همۀ شعرای فقید ، قرین و غریق در رحمت الهی باشند
التماس دعا