توسل به امام حسین (ع) و وداع حضرت علی اکبر (ع)
.
✍️ زبدة الاشعار ✍️
🆔: @nohe_torki
.
حاج داود بیدق داری
.
یاحسین نوکریوم فیض بکا مشتریسی
الی بوش سائلیوم لطف وعطا مشتریسی
.
گچوب عمریم عملین نامه سی بوش قالدی،اگر
کرمون اولماسا نیلر بو جزا مشتریسی
.
بیرامیدیم صف محشرده سنون لطفووه دی
سنه وابسته دی بو خوف ورجامشتریسی
.
چوخلاری بوشلادی دنیانی سنون خاطریوه
چکدی بازاره ئوزون اولدی بلا مشتریسی
.
کرمون شامل اولوب تا که حبیب اولدی حبیب
قوجاوقتینده اولوب کوی لقا مشتریسی
.
عشق ائله عشقیدی آوازه سی افلاکی دوتوب
ایلیوب عاشقینی قانلی ردا مشتریسی
.
بوهمان عشقیدی لیلانی اوغولسوز ائله دی
اکبری شوقه سالوب ائتدی عبا مشتریسی
.
خیمه دن چخدی اورک شوق شهادتله دولی
هامونی گوزدن آتوب اولدی ولا مشتریسی
.
دئدی چوخ آغلامیون من بو یولی گتمه لیم
بویولون سالکینون اولدی خدا مشتریسی
.
یاریله آل وئر ائدن سودائدر عمرینده ولی
قان وئرن وقته تاپار یاخشی بها مشتریسی
.
باده ی عشق الهیله بوگون مست اولاجاق
کیم بومیداندا اولا شهد بلا مشتریسی
.
آیریلیق سختیدی اللهه گوره صبر ائلیون
درهجرانه دوزر سلم ورضا مشتریسی
.
دانیشور عاشق فرزانه باخورلیلی اونا
ایریلیق قلبین ائدوب شورونوا مشتریسی
.
اکبرین زمزمه سی لیلینی مجنون ائلیوب
دوداقی گولمه ده دیر قلبی بکا مشتریسی
.
دئدی سنسیز بالا ئوللم بیرآزآهسته یئری
سن کفن گئیدون اولوب لیلی فنا مشتریسی
.
خیمه ده یوخدی سو گوزیاشی دالونجا سپرم
گرچه باخماز بو سووا آب بقا مشتریسی
.
مشتریدور سنه بازار وجاهتده ملک
سن ئوزون دلده ولی کرب وبلا مشتریسی
.
دئمورم گتمه دایان قوی دولانیم باشووه گئت
خوشدی پروانه اولا شمع وفا مشتریسی
.
چکمیشم زحمتون اوغلوم دئمورم چخ عوضین
بیر باخیش چوخدی مگر اولسا آنا مشتریسی
.
ناامید ائتمه منی قلبی سنق بیر آنیام
دردمندم بئله فرض ایله دوا مشتریسی
.
(گر امام اذن وئره منده دالونجا گلرم)
اولموشام منده بو بازار صفا مشتریسی
.
لااقل اوخلارا حایل اولارام ورمیالار
چوخدی بو عرصه ده آ هوی ختا مشتریسی
.
نه روا من داریان تل لری خنجر داریا
ئولدوره دوز دئینی ریب وریا مشتریسی
.
بو عجب ایشدی علی کلک قضا یازدی بیزه
من سنه مشتری ،سن سوق رضا مشتریسی
.
نچه ایل زحمتیمه بیرده دولان لیلیه باخ
جان ساتیر بیر گوروشه تشنه فدا مشتریسی
.
#حسینیه_مدح
#اکبریه_شهادت
#یاحسین_نوکریوم_فیض_بکا_مشتریسی
#بیدقداری
#ترکی
.
✍️ #زبدةالاشعار ✍️
🆔: @nohe_torki
نظر دهید