یارالاندی سجدده سوزلرین #حیدریه_متقی_تبریزی

در ضربت و شهادت حضرت امیرالمومنین علیه السلام
..
..
#سبک_بالام_آغلاما_گلوم_آغلاما … سن آت اوسته پای پیاده من … دولانور علی قزی مقتلی …
..
..
..
متقی تبریزی
..
..
..
یارالاندی سجدده، سوزلرین
گئجه وقتی چاهه دیین علی
یارالانمیشام دیور عم قیزی
یارالی همانی گورن علی
..
..
..
بودیارین اوخشوری فاطمه
غم هواسی یثرب هواسینه
باشیمون یاراسی شبیهیدور
سینوون یارالی یاراسینه
یارا باغلیانیم هایانداسان
نظر ایله کوفه جفاسینه
گوزی اختارور دیه دردینی
سنی غسل وکفن ایلیین علی
..
..
..
دیمورم گلوب باشیم اوسته بیر
ئورگیوی داغلا عم اوغلووا
دیمورم بساط غمی قوروب
باشیم اوسته اغلا عم اوغلووا
دیورم قباق کیمی سیاق کیمی
یارا بیرده باغلا عم اوغلووا
یارالی جلای وطن اولوب
شه دین غریب وطن علی
..
..
..
سن ئولندن ای گل مصطفی
آلیشان قاپی تک الیشمیشام
بولوسن که هر گئجه گلمیشم
سنیله بقیعده دانیشمیشام
ولی غسل ایدن گئجه فاطمه
گوورندن یوزوندن اوتانمیشام
سنی گوزلیور اوتانان علی
دیه دردینی، دیمین علی
..
..
..
منی گورسه یاره لی زینبیم
باشینی اچوب سینه داغلیار
گهی وای بابا دیه جک یقین
گهی وای ننه دیوب اغلیار
ولی قالموشام یارالی, منیم
سن اولامسون نئجه باغلیار
باشینون یاراسی اخور یوزه
غمه منتسب ویریلن علی
..
..
..
..
#حیدریه
#حیدریه_شهادت
#یارالاندی_سجده_ده_سوزلرین
#متقی_تبریزی
#ترکی
#زبدةالاشعار