آرزوی کربلا
.
✍️ #زبدةالاشعار ✍️
.
🆔: @nohe_torki
.
#سبک_ای_درد_بی_درمانلارا …
.
مرحوم ناصر اردبیلی
.
یارب سنی ویرّوک قسم سلطان دینه
ایله حسین عاشقلرین زوّار حسینه
.
.
یارب او باغلو یولّاری ایله گشاده
واردور شفای دردیمز خاک شفاده
دنیا و عقبا عزّتی وار کربلاده
ویرمش حسین عزّت او زیبا سرزمینه
.
.
قسمت ایله یارب دوراق بالای سرده
ناله ایدک پیش ضریح جلوه گرده
بیر جلوۀ دیگر کورک هر بیر نظرده
غملو رواقنده ووراق زنجیر و سینه
.
.
موسای عشقوک عاشق طور حسینوک
پروانۀ جانباز و پرشور حسینوک
مشتاق شمع قبر پر نور حسینوک
یارب یتور عاشقلری نور مبینه
.
.
قسمت ایله بیزده ویراق هاله خدایا
قان آغلیاق اول قانلو گوداله خدایا
چوخ ایستروک بیزده ایدک ناله خدایا
اول یرده که چوخ ایتدی ناله سکینه
.
.
قویما یاناق بو محنت و اندوه وغمله
اوتدان کناره چک بیزی دست کرمله
وئرّوک قسم اول پادشاهی که ستمله
اوت ویردی یاندوردی خیامین قوم کینه
.
.
ای فیض لطفون مرهم دلهای مجروح
ایله او باغلو یولّاری لطفیله مفتوح
اولموش حسینسیز جسممیز بیر جسم بی روح
بیز عاشقوک یارب او شاه بی معینه
.
.
أنت الغفور انت الرحیم انت الحمیدُ
انت السّخی انت الجواد انت المجیدُ
انت القوى انت الغنی انت الوحیدُ
آچ کربلانون یولارین بو اربعینه
.
«ناصر» اولوب بو درگهه سائل خدایا
ایله اونی مطلوبینه نایل خدایا
بیز کربلایه اولموشوق مایل خدایا
زاهد اگر مایلدی جنّات برینه
.
.
#کربلا_ناصر_اردبیلی
#آرزوی_کربلا
#یارب_سنی_ویروک_قسم_سلطان_دینه
#ترکی
.
✍️ #زبدةالاشعار ✍️
.
🆔: @nohe_torki
نظر دهید