مناجات
.
✍️ #زبدةالاشعار✍️
.
🆔: @nohe_torki
.
مرحوم رهبری تبریزی
.
یارب کلید باب نجاتیم سنونکیدی
دنیا بویی امید حیاتیم سنونیکدی
.
شامل دی لطف و مرحمتون اهل عالمه
خلق ائتدیقون بو جوهر ذاتیم سنونیکدی
.
بی منت ائتموسن هامی نعمت لرون عطا
آز چوخ هامی حمیده صفاتیم سنونیکدی
.
یارب العالمین نقدر مهربان سان
سندن عطا اولان درجاتیم سنونکیدی
.
شرمندیم دعا و مناجاته عاجزم
ناقص نه اولسا صوم و صلاتیم سنونکیدی
.
عاجزدی دل کرامتوی ذکر ایله سین
جان گلشنونده برگ و نباتیم سنونکیدی
.
گوز یاشلی دوگموشم قاپوی عاصیم اگر
دل یوخ دیم که خوش برکاتیم سنونیکدی
.
بیر سابلیم که آچموشام ال بارگاهیوه
رحمت قاپوندان اولسا براتیم سنونیکدی
.
ال چکمرم قاپوندان اودور حشر اولونجا من
قوؤساندا گئتموم که حیاتیم سنونیکدی
.
سن راضی اولماسان بولورم ناامید اولام
امّیدیله باخان نظراتیم سنونیکدی
.
بوشدور الیم قرادی یوزوم رحم ایله اوزون
خیر ایشده باش ویرن ثمراتیم سنونیکدی
.
بیر سوز تاپوب دینمورم ای واجب الوجود
وحشتلى قبر ایچینده حیاتیم سنونیکدی
.
پشت پناهیم اول ایکی دنیاده یا جلیل
یوم جزاده فلک نجاتیم سنونکیدی
.
بو جسم و جان سنوندی امانتدی ویرموسن
بو جسم و جاندا قان نظرایتم سنونکیدی
.
حشره گلنده قویما گلوم من یوزی قرا
امداد قیل کم عمر حیاتیم سنونکیدی
.
من خادمم حسینه حسینی چوخ ایسترم
بو عشق اوسته گر گیده باشیم سنونکیدی
.
یارب حسین تشنه لبه خاطر عفو ایله
بو یولدا امتیاز ثباتیم سنونکیدی
.
محمود آدیمدی «رهبری» دور شهرتیم خدا
بیر بنده ام حیات و مماتیم سنونکیدی
.
.
#مناجات #رهبری_تبریزی
#یارب_کلید_باب_نجاتیم_سنونکیدی
#ترکی
.
✍️ #زبدةالاشعار✍️
.
🆔: @nohe_torki
نظر دهید