زبدةالاشعار

یارب گنه بیر درده یانان آختاریرام من

غفلت یوخوسی
گوشه ای از درد جوامع حسینی
.
✍️ زبدة الاشعار ✍️

?: @nohe_torki
.
حاج مختار صادق زاده
.
یارب گنه بیر درده یانان آختاریرام من
صراف سخن حقی قانان آختاریرام من
.
حق سوزآجی دا اولسا گرکدیر که دئییلسین
انسان اودی که حقّی شیرین بال کیمی بیلسین
دقت ائله قوی یاخشی یامان بوردا سئچیلسین
نه وارلی، نه یوخسول، نه ده خان آختاریرام من
.
من ده آدیمی قویدوم حسینچی اوجالاشدیم
دریای غرور اولدوم عجب هر یانا داشدیم
پولسوزلاری ساشدیم آری تک پوللویا قاشدیم
کوللر باشیما، یاغلی یاوان آختاریرام من
.
گردن توتورام کج باخیرام هامّیا مغرور
به به لره ساتدیم اؤزومی نورٌ علی نور
سعی ائتدیم اولام من ده فلانی کیمی مشهور
اخلاصی دانیب نام و نشان آختاریرام من
.
جه جه ووروب هیئتده ریا ایله جوشام بیل
هیئت قوتولاندان سورا بو ایشده خوشام بیل
هر یئرده که سوز غیبت اولا اوردا باشام بیل
دوز مداحا بیر چاله قازان آختاریرام من
.
گئتمم او کیچیک هیئته افرادی آز اولسا
چون چوخ یئکه یم چیممرم هر سو دایاز اولسا
هر یئرده که چوخ بوینو یوغون کیفی ساز اولسا
اوردا سوخولوب یاغلی قازان آختاریرام من
.
یورمام ئوزومی هاردا تماشاچی کم اولسا
حتی اگر اوردان حَرَمه اون قدم اولسا
چوخ یئرده ده قویمام اوخوسون گر دَدَه م اولسا
قوردلار کیمی هر یئرده دومان آختاریرام من
.
هیئتده گرک چوخلی رئیس و فلان اولسون
نئیلیم بابا ، لات یا که نمازین قیلان اولسون
بئش آلتی نفر سلقه لی دونبک چالان اولسون
بیر دست اوزومه زرنا چالان آختاریرام من
.
نوحه اوخویانمام داداشیم اولماسا دونبک
خوش گلمیری نئیلیم نور علی چالماسا دونبک
آرزیم بودی که بوینونا هامّی آسا دونبک
زیم زیم چالانیم یوخدی کمان آختاریرام من
.
مسجدده دونن تویچونی سانجیب گنه «مختار»
اوغلاندی گلیب دیللنه بیر گون گنه «مختار»
توی چوماغینی ووررام اولار دورد دنه «مختار»
توهین ائلیب دونبگه قان آختاریرام من
.
قارداش بئله فکر ائتمه یالان سؤزدی بو سوزلر
آند اولسون حسینین جانینا دوزدی بو سوزلر
بیر گوشه سی ذکر اولدی یوزه یوزدی بو سوزلر
فکر ایلمه یوخ سوژه یالان آختاریرام من
.
#پندیات
#شاعر #مداح #هیئت
#یارب_گنه_بیر_درده_یانان_آختاریرام_من
#مختار_صادقزاده
#ترکی
.
✍️ #زبدةالاشعار ✍️
?: @nohe_torki

متن پیشنهادی:  دوشن زماندا آت اوستن شبیه پیغمبر #اکبریه_عاصی_تبریزی

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی