زبدةالاشعار

یارب یولوندا منتظرم هر بلایه من #عرفه #نادربابایی

مناجات سید الشهدا علیه السلام در روز عرفه
.
✍️ #زبدةالاشعار ✍️
.
🆔: @nohe_torki
.
حاج نادر بابایی
.
یارب یولوندا منتظرم هر بلایه من
تا جلوه آرتورام گنه سلم و رضایه من
.
مین یول یولوندا ئولسم اگر نوشیدور منه
حاشا ائدم بو عشقیده بیر یول گلایه من
.
پیغمبر اوغلونا چوخی بیگانه دور بو گون
باخدوم نه قدری یولدا گلن آشنایه من
.
قربانلاریم بیر آیری منانی هوسلیوب
قسمت بله یدی یول سالام آیری منایه من
.
چولدن چوله بو قافله نی قوی دولاندیریم
گوگلوم قوشی دیور گئدورم کربلایه من
.
آلتی آیی گرک قوتارا اصغریم ، صورا
لایلای چالام سینمده بو خوردا همایه من
.
نامردیلر یولومدا اگر دورسا یان یانا
بیعت الین مگر وئررم بی حیایه من
.
انگشتریله وئررم الی ساربانیمه
بذل ایلرم بو باشی حریم خدایه من
.
مقتلده من دوشنده باجیم تلیدن باخار
گوندررم اوندا مرکبی خیمه سرایه من
.
گاهی قاچار خیامه گهی مقتله باجیم
اوخشاتمیشام همان چولی مروه صفایه من
.
اوخلار سیناندا سینمون اوسته داش آغلیار
زینب گلر نوایه ولی التجایه من
.
قرآن تلاوت ایلین اولماز جنازه مه
نیزه باشیندا باشلیارام آیه آیه من
.
سایسیز یارا گورن بدنیم ایستمز کفن
اولام ئوزوم رضا بوکولم بوریایه من
.
(نادر) واروندی حاجت اگر گزمه آیری یر
وئررم صله قاپومداکی شاه و گدایه من
.
.
#حسینیه_مدح
#یارب_یولوندا_منتظرم_هر_بلایه_من
#ترکی
.
✍️ #زبدةالاشعار ✍️
.
🆔: @nohe_torki

متن پیشنهادی:  دل عشّاقه داخی تاب و توان گلمیه جاق #اکبریه_دلکش_زنجانی

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی