میلادیه و مدح حضرت خاتم الانبیاء (ص)
.
✍️ #زبدةالاشعار ✍️
.
🆔: @nohe_torki
.
واصف مرندی
.
یارسول الله مقدّس آدیوه قربان اولوم
مکتبین تائید ائدن اعیادیوه قربان اولوم
علمیوه تبلیغیوه ارشادیوه قربان اولوم
انبیا ال سینه ده عرض سلام ایلر سنه
شاهلاری سلطانلاری حسنون غلام ایلر سنه
.
.
لایق اولماز هئچ بشر سن تک صلای احسنه
مدحتین عمراً سیغیشماز بو زبان الکنه
بالیقین هر شاه و سلطاندان گدا اولماز سنه
سن او سلطانسان ملکلر صف چکر درگاهیوه
انبیا و اوصیا مداح اولالّار جاهیوه
.
.
لیل میلادینده اعجاز خدا وئردی ثمر
هربیر اعجاز ایلدی الحق بیوک شق القمر
طاق کسرا سیندی شیطانین غروریندن بتر
دوشدی بیر دریا طلاطمدن اوچوب بتخانه لر
شمع رخسارین یانیب شوره گله پروانه لر
.
.
ذرّه نی اعجازیده والایه هم سطح ایلدین
جمله خیرات اموری عالمه مدح ایلدین
بیر گجه معراجیده دوقوز گویی فتح ایلدین
آخرین منزلده مقصوده یتیردی مقدمین
قله ی تاریخده اسدی فتحنا پرچمین
.
.
هئچ پیمبر سن کیمین رنج مصیبت چکمیب
ظاهر وباطن گجه گوندوزمشقت چکمیب
هئچ پیمبر سن کیمین خیراته منت چکمیب
رحمتین تحتینده جاویدان ادیبسن هرگونی
بو نتایج گورسنر امتلره محشر گونی
.
.
یا ابوالقاسم رسول الله امین و مصطفا
هانکی آدلاردا اولار بوللاردا کی حسن وصفا
بو قداست ایلدی درگاهیوی دار الشّفا
اول خداوندی کی لطف اتمیش بو اوصافی سنه
افتخاریله وئریب مهر هوالشافی سنه
.
.
هرکس ئوز اعمالینی بیر اعتقاده ائیلییور
نسل وهابی بو گون سو استفاده ایلییور
حکم منفور یهودینی پیاده ائلییور
هاردا مهدینین ظهوریندن ولی صحبت دوشور
ظاهراً نعره چکور باطنده اما قورخوشور
.
.
ئولسه لرده حضرت مهدی گله جاق غیبیدن
عالمی اصلاح اده رنگ و ریا و عیبیدن
قلبلر آرام اولا ظلم و جفا ریبیدن
عالمین صاحب زمانی مرکب اوسته آچسا پر
نسل وهابی داعش ذوالفقاریندن ئوپر
.
.
بیر زماندا زندگانلیق ائلیریق کاش اولمویا
نه مناسب بیر عمل واردی نه آثار حیا
بیر طرفدن دینی دشمن بیر طرفدنده ریا
هرکس ئوز جانین آلوب راه شهادتده اله
الله الله ائلیوللر حضرت مهدی گله
.
.
واصفم بیر نیتیلن یازمیشام اشعاریمی
مشکلاتیم واردی برهم ائلیب افکاریمی
مورد تائید بولسز آدیمی آثاریمی
فرق ائلر هر باره ده عالم بویی شاه و گدا
شاهلار احسانلارینی دینین ائدر کامل ادا
.
.
#17ربیع_واصف_مرندی
#پیامبراسلام_مدح
#یا_رسول_الله_مقدس_آدیوه_قربان_اولوم
#ترکی
.
✍️ #زبدةالاشعار ✍️
.
🆔: @nohe_torki
نظر دهید