ورود حضرت امیرالمومنین (ع) به کوفه
#گریز حالات قافله حضرت زینب (س) در کوفه
.
✍️ #زبدةالاشعار ✍️
.
🆔: @nohe_torki
.
مرحوم یحیوی
.
یازوبدی شیخ ابوالقاسم خراسانی
کتاب ابرهیم هنددن بو جریانی
.
روایت ائتدی یمن اهلی مرد سوداگر
عراقه من گتورردیم متاع سودانی
.
فروش ائدوب او متاعى آلوب بیر آیری متاع
یمن ولایتینه حمل ائدردیم اشیانی
.
گئدوب یمندن عراقه عراقدن یمنه
منیچون عادتیدی بو تجارت عنوانی
.
تصادفا گذریم دوشدی کوفه شهرینه
غریبه وضعیله درک ایلدیم او مأوانی
.
اناث و ناس هامی بایرام کیمی ائدوب تعطیل
تمام متحداً باغلیویلا دکانی
.
چکوبدولر در و دیواره پرده ی زرین
سیلوب سوپورمیش هامی کوچه و خیابانی
.
زنان محترم کوفه باشدا چادر شب
دوتوبلا الده گل و عطر و برگ ریحانی
.
صنوف مختلف شهر دسته بدسته
کنار شهره گئدور با دل خرامانی
.
دئدیم بیرینه بو نه ماجرادور ایله بیان
دئدی بیزه ائدوب الله نعمت ارزانی
.
مدینه ى نبوی دن علی ولی خدا
گلور جلالتیلن کوفه ده ائده مأوا
.
.
بسا ممالک غیره قویان زماندا قدم
رسوم سیر سلاطینی گورمیشم هردم
.
اولاند وارد هر پایتخت هر سلطان
جلالت و عظمت پیشواز ائدر توأم
.
أو کرّ و فرّ تماشاچیه وئرور لذت
غریب شخصه اولور غربت عین باغ ارم
.
دیور که منده روان اولدیم اول جماعتیلن
جمال حضرت مولانی تا زیارت ائدم
.
یاریم آغاج در دروازه دن کنار اولدوم
بو نیتیله یاخوندان او شهریاری گوره م
.
کنار خط گذرگه ده منتظر دوردوم
نه گوردوم أوندا اوزاقدان گوروندی بئش پرچم
.
نشانه هر بیریسی مین سوار ناموره
قاباقدا بیر نفر اعدا فکن باش أوسته علم
.
حریر عمامه باشیندا لباس قرمز رنگ
الینده نیزه ی مصری بئلینده تیغ عجم
.
مینوبدی مرکب اشقر نژاد و تند روش
جبین گشاده محاسن کشیده ابرو خم
.
اونون آدین خبر آلدیم او لشگر اهلیندن
جواب وئردیله با انتهای لطف و کرم
.
.
بونون آدی ابی ایوب شیخ انصاری
سپاه پیشروی نصرتون جلوداری
.
.
ایکینجی فوجده بئش پرچم زمرد فام
او پرچمون بیری مین نامداره دور اعلام
.
.
قاباقدا بیر نفر اصلان شکار قلعه شکن
جوان صاحب هیبت أئدوب آت أوسته مقام
.
عمامه جامه سی آغ باشی اوسته شمسیه
تفاخریله حمایل ائدوبدی بیر صمصام
.
اونوندا آدی طِرِمّاح سبط پاک عُدَی
مقام منصبی بش مین سواره میر نظام
.
اوچونجی فوجده بش مین سوار بئش پرچم
قباقدا بیر یل سهراب گیر چون ضرغام
.
قویوبدی باشینه بیر جقه دار طاس کلاه
وقار و سطوتیلن زینده دوتوب آرام
.
دییرلر آدینه مسعودون اوغلى عبدالله
اونوندی تابع حکمی او فوج خیر انجام
.
گوروندی فوج چهارمده اون ایکی پرچم
دالیندا اون ایکی مین مرد باشکوه تمام
.
قاباقدا بیر نفر عالی تبار شیر نگاه
باشیندا خود تهمتن بدنده جوشن سام
.
کمرده تیغ کیانی دیزینده زنگل چین
ائدوبدی کره ی دریائنی رکابینه رام
.
.
بو پهلوانون آدی دست پرور حیدر
امیر لشگر اسلام مالک اشتر
.
بئشینجی فوجده بیر ماهرو جوان دلیر
کمال وقریله مستغرق لباس حریر
.
سوار مرکب نجدی لجامی زرین تاب
صلابتی وار اونون پنجه سی چو پنجه ی شیر
.
دالیجا أوچ یوز حدودینده اورتولى محمل
زنان اوشاق مینوب أول محمله صغیر و کبیر
.
او اوستی اورتولى محمل لرون ایچینده اولان
بویوک کیچیک هامی آزاد دور نه اینکه اسیر
.
قره غلاملر اللرده جام چیگین ده مشگ
سرین سوئیلا دولی مشگ و جام تشنه پذیر
.
بیر آیری عده غلامون باشیندا خوانچه طبق
ایچینده میوه و خرما و قرص نان و فطیر
.
.
کجاوه ده اوتورانلاری احتیاجی قدر
غلاملر ائلیور فوری آب و نانیله سیر
.
مگر نه کیمسه دی محمل نشین عورت اوشاق
قاباقدا کی او جوان کیمدی بو بساطه مدیر
.
دئدیله کیم فقرای مدینه دور هاموسی
یتیم لر آتاسیزلاردولار بو جمع کثیر
.
او شاهزاده نون آدی محمد حنفی
ائدوب بو فوجه مواظب اونی جناب امیر
.
.
بساط دار مساکینی گور نه حالتیلن
مدینه دن گتورور کوفیه جلالتیلن
.
.
بئشینجی فوج کچوب قالخدی توز دوتولدی هوا
توزون ایچیندن اولوب فوج ششمین پیدا
.
ردیفیله دوزولوب ناقه لر بئش آلتی قطار
اولارا باغلانوب هشتاد هودج اعلا
.
چکیلمیش اوستینه هودج لرون ایپک اورتوک
دوه لرون آسیلوب گردنینه زنگ و درا
.
آتور قدم دوه لر زنگ لر تلاطم ائدر
او زنگ لردن اولور اوج دلپسند صدا
.
بالاجا قزلار او محملده اگلنوب بشّاش
یانیندا هر بیرینون بیر کنیز هند لقا
.
او کاروان ملوکانه نون قباقیندا
چکرله تخت روان مجلّل و زیبا
.
چهارپایه ی تخت روان مرصّعدور
طلادی قبّه سی زر تار پرده سی دیبا
.
مهار ناقه سینی دوتموش احترامیلن
بلند قامت اوزون قول جوان خوش سیما
.
آلوبدی دور و برین هاشمی جوانلاری
برهنه تیغلر اللرده طرّقوا گویا
.
ایا جماعت کوفه یوموز یوموز گوزوزی
بولاردى کوکب محجوب عصمت کبرا
.
.
بو تخت صاحبی دور فخر بانوان عرب
ملیکه ی حرم شاه حضرت زینب
.
.
دالیجا ظاهر اولوب یدی مینجی فوج سوار
سمایه ساطع و لامع دی لمعة الانوار
.
قباقدا مرد جلیل المقام اعلا جاه
عمامه سبز قبا سبز عباسی مشگین تار
.
سلاح جنگی اونون ذوالفقار دشمن سوز
رکابی آلتدا بیر ابلق کُمیت خوش رفتار
.
ایکی جوان بیری ساغدا گیوب یاشیل جامه
بیری صولیندا اونون قرمزی گله اوخشار
.
دالیندا صف بصف اعضای هیئت لشگر
رجال دولت شاهنشه عدالت دار
.
گتوردیلر عمله کوفه اهلی تشریفات
نوازش ائتدی هاموسینه اوُل امام کبار
.
حرمسرای امامت که کوفیه گلدی
کسیلدی زینب ایاقینون آلتدا قربانلار
.
زنان کوفه دوروب باملرده عطر سپوب
اونون کجاوه سینه دسته گل ائدردی نثار
.
بیری اوپردی اونون محملینون اورتوگینی
بیری سیلردی توزین ایلیوردی رد غبار
.
دیردیلر اونا اى بنت حضرت زهرا
نقدری کوفه ده گور باوفا کنیزون وار
.
.
بو طمطراق شکوه و جلال و شوکتیلن
ورود کوفه اولوب زینب آل عصمتیلن
.
.
خلاصه راوی دئیور بو جلالی گوردوم من
نئچه گون اوردا قالوب تا که ائتدیم عزم یمن
.
بو قصه دن نئچه ایللر کچوب زمانه دؤنوب
هوای کوفه منیم دوشدی باشیمه بیردن
.
گلوب متاع تجارتله کوفیه گوردوم
لباس تازه گئینمیش تمام مردیله زن
.
هامی چکوب اوز ایشیندن الین ائدوب تعطیل
بساط جشن قوروب عیشه باغلیوب گردن
.
دوروبلا بممده عورتلر اللرینده حنا
نوای ساز و طرب قوزانوبدی هر یئردن
.
أوزیم أوزیمه دئدیم بو همان گونه بنذر
بو شهره گلدی جناب علی حسین و حسن
.
واریمدی شوق تماشا عجب خوش اقبالم
بو هانسی شاهدی گینه کوفیه گلور گوره سن
.
على کیمی بو شهونده حرمسراسی گلور
اونون قزی کیمی هودجده ناز و عزّتیلن
.
ایاقینه آتاجاقلار بونوندا پای انداز
لباسینه سپه جک لر بونوندا عطر و سمن
.
بونوندا وار گوره سن باشدا تاج شاهانه
بالاجا قزلاری محملده ایلیوب مسکن
.
بو فکرده واریدیم منتظر دقیقه ی چند
صدای طبل و دهل بیر طرفدن اولدی بلند
.
قباقدا مطرب و سازنده لر کچوب او زمان
گورو ندی بیر نئچه پرچم بنی امیه نشان
.
آت أوینادور گینوب قرمزی منادی لر
پیام فتح و ظفر کوفیه ائدور اعلان
.
قشون دی سیل کیمی آتلی پیاده شهره گلور
قلجار الده برهنه هامیسی حوصه زنان
.
او لشگرون آراسیندا نئچه قطار شتر
اساس غارتی حمل ایلیوب اونا عدوان
.
سنیق کجاوه دی یانمیش چادردی فرش و نمد
قماش و عطریله مملو بیر نئچه یخدان
.
قویوبلا هر دوه نون اوسته بیر نمونه ی غم
گورنلرون اورگین ایلیور اوزی کیمی قان
.
بیرینون اوستینه نصب ایلیوبله قانلی علم
بیرینده پاره لنن مشگ قانیله الوان
.
بیرینده بیر یاشیل عمامه وار ایکی پاره
بیرینده تیغ مرصّع بیرینده بیر قلخان
.
دوه لرون بیرینه یوکلنوب زر و زیور
اولاردا گورسنور آثار حجلۀ ویران
.
بیرینون اوستونه قویموشلا بیر اوشاق بئشیگی
بشیکده بیر پارا قونداقون اوسته بیر پیکان
.
همین قطارلره باغلانوب بیر آیری قطار
بیر عده عورت مظلومه نی ائدوبله سوار
.
جهازسیز دوه اوستونده آه واویلا
ایاقدا کنده جوان مریض خوش سیما
.
شکسته محمل آرا بانوی غم آلوده
یوزینه هایل اولان زلفی تک دوتوبدی عزا
.
ایکی ایکی بالا قزلار مینوبلر بیر دوه یه
سالوبلا یوزلرینه زلفدن نقاب حیا
.
برهنه ناقه ده بیر بیر او بانوان حرم
نظرلرینده ایشیق گون گئجه کیمیدی قرا
.
هره سینون قباقیندا بیر آتلی سرکرده
الینده وجد و سروریله بیر بلند جدا
.
جدالرون اوجونا نصب اولوب کسیک باشلار
باجی قباقینه قارداش باشین دوتوب أعدا
.
عروسیله سر دامادی روبرو ائلیوب
اوغول باشین آناسینه ائدوبله راهنما
.
دئیور که راوی بو اوضاعی ایلدیم تفتیش
قولاقیمه دئدی بیر شخص با صدای خفا
.
بو باش حسین باشیدور آل هاشمون باشیدور
باجیلاری حرمی بسته ی طناب جفا
.
دئدیم اوزوم اوزومه لا اله الا الله
گوروم فنا اولاسان ای دنی صفت دنیا
.
آدون دنی دی بسا که دنی شعارون وأر
گھی عزیزدی سنده گھی سلاطین خوار
.
#کوفه_یحیوی_اردبیلی
#یازوبدی_شیخ_ابوالقاسم_خراسانی
#ترکی
#اسرار_عاشورا
.
✍️ #زبدةالاشعار ✍️
.
🆔: @nohe_torki
نظر دهید