یاسه گل قاره گی سینه داغلا #صادقیه_آذرین_خلخال

شهادت امام جعفر صادق علیه السلام – با توسل و تعزیت به حضرت امام زمان عجل الله تعالی فرجه الشریف
#گریز به #قتلگاه و #کوچ_کربلا
.
✍️ زبدة الاشعار ✍️

?: @nohe_torki
.
ودود آذرین خلخال
.
یاسه گل قاره گی سینه داغلا
آغلا شیعه شهید اولدی صادق
باغدا بلبل باتوب یاسه الله
سولدی ظلمیله باغ شقایق

.
جورمنصوریلن اولدی مسموم
ششمین اختر ذات قائم
اؤز مدارینده دوشدی بلایه
سوزدی گویده افول ایتدی دائم

.
قلبی قانیله دولدی ستمدن
مذهب شیعه نین سرسپاهی
فانی دنیانی باشدان آتوبدی
اولدی مهمان خوان الهی

.
یاندی اکبادی استادعشقین
مکتب و مدرسه اولدی تعطیل
سنده گل شیعه بامروت
جعفر صادقه ایله تجلیل

.
بیربیله غصه دن گل فغانه
باشه قاره سالیب دائم آغلا
سینوی چاک ایله بومحنده
قلبووی بو مصیبتده داغلا

.
مشعل معرفت سوندی الله
نورحق ظلم الیله تار اولدی
ماتمه باتدی گلشنده قوشلار
غنچه گوللر گلستاندا سولدی

.
گیتدی الدن عداوت الیلن
دورت مین آزادمردین دبیری
معدن معدلت میر احرار
اولدی اهریمن دون اسیری

.
ماتم حضرت صادق اولدی
یابن زهرا ئوزون سینه داغلا
موسی جعفره تسلیت دی
شال ماتم سالیب قاره باغلا

.
آغلیا آغلیا یابن زهرا
یاد ایله کربلا تشنه سیندن
سونمدی آتش قلب شیعه
دشمنین سونمین کینه سیندن

.
عصر روز دهم قتلگهده
زینب اولدی قرین قارداشیلان
گوردی بیر صحنه نی باشه ویردی
چون دولیدی چوخور یر داشیلان

.
صاق سولا باخدی ام المصائب
سسلدی هارداسان غمگساریم
اولمیا جور و ظلم عدودن
داشلار آتدا قالیبسان نگاریم

.
قوپدی دشت بلا ایچره طوفان
سن اولنده قرا یللر اسدی
حمله ایتدی قوشون خیمه گاهه
تشنه قزلاره آخر نفسدی

.
سن بیله یاتما بو غملی چولده
خیمه لر یاندی قهر شراره
یوخ مروت اخا دشمنونده
ال آچوب غارته هر سواره

.
قورخورام گوشواره سویاندا
ذبح اولا گوش و گوشواره باهم
یا که خلخال ایاقدان یولاندا
جان ویره دخت سه ساله دردم

.
یاتما ای غم گونی غمگساریم
دور یولا سال گیدور شامه زینب
باشلانوبدی اسارت بلاسی
قوش کیمی باغلانوب دامه زینب

.
(آذرین) ساخلا ال گوزیاشون سیل
قان آلان گلسه دلشاد اولارسان
شاه عشقین آلار انتقامین
غصه و غمدن آزاد اولارسان

.
.
#سبک_ای_قلم (بیش از 3 سبک شامل سبک های : ای قلم سوزلرونده اثر یوخ … جامۀ عشقیوی سویمیان وار … ای مجاهد شهید مطهر … کاروان رفته منزل به منزل …)

?: @nohe_torki