شهادت حضرت زهرا (س)
.
✍️ زبدة الاشعار ✍️
🆔: @nohe_torki
.
#مژده_اردبیلی
.
یافاطمه غمدن منیم قدیم بوکولدی
ظلم ایتدی ظالم دشمنیم قدیم بوکولدی
.
بیرگل مثالی سولدوم سارالدیم
سن گئتدون الدن منده قوجالدیم
.
.
پیغمبره ای جان و تن حیدر قوجالدی
غمدن علینون ناله سی عرشه اوجالدی
دیداریمیز سندن داخی عقبایه قالدی
سن سیز سارالدی گلشنیم قدیم بوکولدی
بیرگل مثالی …
.
.
توش اولدی غمدن حیدرین باربلایه
مشکل که اولدی گئتمه گون مشکل گشایه
نخل ملالون.باشیمه تا سایه سالدی
غمخانه اولدی مسکنیم قدیم بوکولدی
بیرگل مثالی …
.
.
ای ذات پاک و اطهرین زهراسی زهرا
پیرخرد پیغمبرین زهراسی زهرا
مظلوم عالم حیدرین زهرا
قالدی الونده دامنیم قدیم بوکولدی
بیرگل مثالی …
.
.
دشمن خیانت باشلادی سیم وزر اوسته
طوفان یاراتدی گردش بازیگراوسته
دوشدون بلای بی شماره حیدر اوسته
آگه سن ای جان و تنیم قدیم بوکولدی
بیرگل مثالی …
.
.
دشمن جری اولدوقجا هی طوفان یاراتدی
وجدانینی بش گون فنا دنیایه ساتدی
ظاهرده گرچه خصم ملعون کامه چاتدی
کامه اوکی چاتدی منیم قدیم بوکولدی
بیرگل مثالی …
.
.
دشمن سنه سیلی ویراندان آغلارام من
گوزیاشیمی غمدن عذاره باغلارام من
قان آغلیوب.قلب.جهانی داغلارام من
بیلمز بداختر دشمنیم قدیم بوکولدی
بیرگل مثالی …
.
.
دشمن که چیخدی راه حی داوروندن
شرم ایتمه دی یاللعجب .پیغمبروندن
ایستوردی چونکه بیعت آلسون حیدروندن
گورسون او خصم ذوالمنیم قدیم بوکولدی
بیرگل مثالی …
.
.
اوندا که یورقون جسمووی قویدوم مزاره
باغلاندی مظلوم زمانه راه چاره
ایتدیم که پوزگون حالیمه سن سیز نظاره
تاراولدی روز روشنیم قدیم بوکولدی
بیرگل مثالی …
.
.
ای رحمتاً للعالمیندن بیرنشانه
سالدی ستی دیلدن که ضرب تازیانه
توکدوم عذاره اشک حسرت یانه یانه
چاه اولدی بیت الاحزنیم قدیم بوکولدی
بیرگل مثالی …
.
.
ای دختر طاها علی راضیدی سندن
ایتمه گلایه حضرت طاهایه مندن
گلزارعشقه باغبانیدیم ولیکن
پرپرکه اولدی سوسنیم قدیم بوکولدی
بیرگل مثالی …
.
.
(مژده)که سندن شعرنین الهامین آلدی
تاپدی سعادت رتبه سی عرشه اوجالدی
بش گون فنادنیاده که غمدن قوجالدی
سسلندی حیدرتک منیم قدیم بوکولدی
بیرگل مثالی …
.
#سبک_ای_درد_بی_درمانلارا … 10 سبک
#سبک_یا_فاطمه_من_عقده_دل_وا_نکردم
.
#فاطمیه_شهادت
#یافاطمه_غمدن_منیم_قدیم_بوکولدی
#ترکی
.
✍️ #زبدةالاشعار ✍️
.
🆔: @nohe_torki
نظر دهید