زبدةالاشعار

یامحمد سنی الله نجه زیبا یارادوب #17ربیع_جعفری_زنجانی

مدح و میلادیه حضرت رسول اکرم صلی الله علیه وآله و سلم
.
✍️ زبدة الاشعار ✍️
.
🆔: @nohe_torki
.
حاج علی جعفری زنجانی
.
.
یامحمد سنی الله نجه زیبا یارادوب
اشرف کل خلایق سنی یکتا یارادوب
.
.
کیمدی خلقتده سنین تک یارانوب خلق عظیم
آدی محمود محمددی ئوزی نور قدیم
بیر آدی حضرت صاحب بیری قاسم ورحیم
نور یکتایه قسم شأنیوی اعلا یارادوب
.
.
اهل توحید تانور اوّل معصوم سنی
قبلهٔ فیض بیلر امت مرحوم سنی
حق علّام ائلیوب عالمه مخدوم سنی
تاج لولاک باشوندا سنی مولا یارادوب
.
.
قاب قوسینه گئدوب طالب دیدار اولدون
خالق لم یزله محرم اسرار اولدون
یاربی جسمینه جسمانی اولان یار اولدون
نچه مین باب علومه سنی دانا یارادوب
.
.
رفرفیلن کیم ائدوبدور سفر هر دو سرا
کاخ معراج نبوتدی سنه کوه حرا
شب معراج علی بیلدی که سن گئتدون هارا
مرتضانی سنه حق محرم اسرا یارادوب
.
.
هانسی پیغمبرین اولادی اولوبدور حسنین
سید باغ جنان و شرف روی زمین
هانسی پیغمبریلن قارداش اولوب روح الامین
هانسی پیغمبره بیر بیله سجایا یارانوب
.
.
هانسی پیغمبره حق وئردی شبیر و شبری
هانسی مرسلدی هدایت ائده سن تک بشری
هانسی پیغمبر اولوب اون بیر امامین پدری
هانسی پیغمبره حق حضرت زهرا یارادوب
.
.
#17ربیع
#یامحمد_سنی_الله_نجه_زیبا_یارادوب
#جعفری_زنجانی
#ترکی
.
✍️ #زبدةالاشعار ✍️
.
🆔: @nohe_torki

متن پیشنهادی:  بویوروب ام الائمه ثمر نخل زکیه #حسینیه_یحیوی_اردبیلی

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی