اظهار عطش جناب سکینه (س) به حضرت ابوالفضل (ع)
.
✍️ زبدة الاشعار ✍️
?: @nohe_torki
.
مرحوم ذهنی تبریزی
.
یاندیم عمو عطشدن
رحم ایله جانه گلدیم
چارم کسیلدی تا من
بو آستانه گلدیم
.
جام الده خیمگاهی باشدان باشا دولاندیم
بیر شربه تاپمادیم سو دلدن دوشوب دایاندیم
خاصّه گون ایسّی سندن دوتدوم شراره یاندیم
سندن سودان سو مشگین گوردوم نشانه گلدیم
.
گرچه سولوب سوسوزدان غنچه کیمی دوداقیم
گلمک لیگه حضوره گلمیردی هیچ ایاقیم
گوردوم که وار باشیمدا نچّه سوسوز قوناقیم
ایتدیم بوعذری لابد الده بهانه گلدیم
.
اَل پاک دامنوندن هرگز گوتورمَرَم من
بولّم بو احتیاجین باب المرادی سن سن
یوخ اوزگه بیر امیدیم مأیوسم هر طرفدن
سندن اولور علاجم من بو گمانه گلدیم
.
انصافدور که آخسون صحرالره فراتی
بیر شربه تاپماسون سو پیغمبرون بَناتی
آز قالدی خورده قیزلار ترک ایلسون حَیاتی
سنده بولوب دَوا بو درد نهانه گلدیم
.
باخ گل کیمی سارالمش سولموش بو رنگ آله
یوخ احتیاج هرگز تقریر و شرح حاله
از بسکه تشنه کامم یوخ قدرتیم مَقاله
بو غنچه لبلریمله شرح و بیانه گلدیم
.
سن سن منیم امیدیم رحم ایت منه عمو جان
اولما رضا بو چولده قالسون سکینون عطشان
باخسون فراته حسرت چکسون جگردن افغان
سَلب اولدی اختیاریم از بس فغانه گلدیم
.
من سَهلم اصغریمدن ایلوم سنه حکایت
سوز عطش وار اوندا بی حدّ و بی نهایت
اود تک یانار شراری ایتدی منه سِرایت
آلدیم دوباره اوندان اود یانه یانه گلدیم
.
هر یانی آختارولّار بیر آز اَلَه سو چاتمور
سو یوخ آناسی ویرسون باشدان سو فکرین آتمور
هر قدر او شیرخواره لایلای دیولّه یاتمور
گوردوم اونون او حالین من اَلأمانه گلدیم
.
قویدوم اونی گلنده بیر نوعیله عطشده
رنگ طراوت اصلاً قالموب او غنچه وشده
دلسیز دوشوب سیزیلدار جان اوسته حال غَشده
یوخدور امید او غشدن بیرده اویانه گلدیم
.
از بس خراش ایدوبدور هولیله گُل جمالین
لاله تک ایلوب احمر قانیله رنگ آلین
اوز فکریمی اونوتدوم گوردوم اونون او حالین
چوخ نِسگل اولدی دردی من ناتوانه گلدیم
.
چوخ ایلدیم جسارت عذر ایسترم سوزومدن
آشفته حالم از بس وار غفلتیم اوزومدن
اظهار مطلب ایلوم گلمیردی هیچ یوزومدن
دلدن ز بس زبانه چکدیم زبانه گلدیم
.
«ذهنی» گر ایسته سن اوز سلطانوین عطاسین
اشگتریله یوزده یاز بو سو ماجراسین
بابالحوائج ایتسون تا دردوین دواسین
عرض ایت امید اوزیله بو آستانه گلدیم
.
#سبک_احوالیمیز_یاماندی (بیش از 10 سبک)
.
#فرات
#شب_عاشورا
#یاندیم_عمو_عطشدن
#ذهنی_تبریزی
#ترکی
.
✍️ #زبدةالاشعار ✍️
?: @nohe_torki
نظر دهید