سرّ عاشورا
.
.
.
#سبک_ای_ویرن_ویرانه_یرده … 4 سبک … عمه بو ویران سراده …
.
.
مرحوم فاکر تبریزی
.
یانماسیدی گر بتولین باب درگاهی او گونده
کربلاده زینبین یانمازدی خرگاهی او گونده
.
.
ایتمسیدی حضرت زهرایه گر ثانی جسارت
اولماسیدی دختر پیغمبره اول گون جسارت
زینبی شمر ستمگر وورماقا ایتمزدی جرأت
عرشه اوج ایتمزدی آل عصمتین آهی او گونده
.
.
دگمسیدی فاطمه رخسارینه ظلمیله سینی
زار و گریان ایتمسیدی حالی اولاد خلیلی
کربلاده نو عروسین عارضی اولمازدی نیلی
بو جفا ایتدی جری اول قوم گمراهی او گونده
.
.
ائتمسیدی تیر محنت خاطر زهرانی آماج
ساتری باشدان دوشنده اولماسیدی صبری تاراج
زینبی غارت گونی بیر معجره اولمازدی محتاج
دمبدم چکمزدی دلدن آه جانکاهی او گونده
.
.
شیر یزدان قولاری باغلانماسیدی ظلم الیله
اولماسیدی بو جفا بو شهریار بی عدیله
کربلا دشتینده وورمازدی عدو زنجیر علیله
شمرایدنمزدی مقیّد حجت اللهی او گونده
.
.
دولماسیدی ناله و افغانیله شهر مدینه
اولماسیدی بیر ایله جور و جفا هادی دینه
کربلا دشتینده قان آخمازدی هرگز سو یرینه
تشنه جان ویرمزدی مطلق کربلا شاهی او گونده
.
.
گیتمسیدی مرتضا امدادینه زهرا او ساعت
وورماسیدی باشه دلدن واعلی گویان او ساعت
خیمه دن میدانه قاچمازدی قیزی اصلا او ساعت
قوم ناحق ئولدورنده شاه حق خواهی او گونده
.
.
آلماسیدی اهل کین حقّین الیندن گر بتولین
محنتین آرتورماسیدی دلده اول زار و ملولین
کوفیان ایتمزدی غارت خیمه سین آل رسولین
ظلمیله اولمازدی تالان حشمت و جاهی او گونده
.
.
قورماسیدی مجلس شورا او گون بی شرم امت
ائتمسیدی اوّل و ثانی اگر غصب خلافت
ثار ثاراللهی کیم توکماقدا ایلردی جسارت
قتل شاه دینه گور هارداندی آگاهی او گونده
.
.
امّته تاپشوردی پیغمبر ایکی مُعظَم امانت
دار دنیادن ایدنده #فاکرا عقبایه رحلت
بیر کلام اللهی بیرده عترتیتن ایتدی وصیت
بی وفا امّته اولدی لیک کوتاهی او گونده
.
.
.
.
#فاطمیه_شهادت
#عاشورا #فاطمیه
#یانماسیدی_گر_بتولین_باب_درگاهی_او_گونده
#فاکر_تبریزی
#ترکی
#زبدةالاشعار
نظر دهید