زبدةالاشعار

یانمشام پروانه تک هر آن حسینین عشقینه #اربعین_علیرضا_عباسی

اربعین
.
✍️ #زبدةالاشعار ✍️
.
🆔: @nohe_torki
.
علیرضا عباسی (احسان تبریزی)
.
یانمشام پروانه تک هر آن حسینین عشقینه
جسم وجان جان جهان قربان حسینین عشقینه
اولموشام من بی سر وسامان حسینین عشقینه
وئرسه لر کلّ جهانی من بو عشقی ساتمارام
باشدان هر عشقی آتا بیلّم بو عشقی آتمارام
.
.
آدیمه گر یازسالار عالمده کی خشک وتری
شرقیدن غربه وئریلسه حکمرانی سروری
رغبتیم یوخ ، اولموشام چونکه حسینون نوکری
عالمه اولسام اگر سلطان حسینسیز نیلورم
باغ رضواندا اولار زندان حسینسیز ، نیلورم
.
.
آیری بیر عالمده سیر ایلر حسینون عاشقی
عشق دنیانی آتار یکسر حسینون عاشقی
قویماز آیری آستانه سر حسینون عاشقی
کربلانین جذبه سین هفت آسمانه وئرمرم
بیر اووج تپراقینی ملک جهانه وئرمرم
.
.
آچ گوزون کربو بلاده شوره باخ غوغایه باخ
جذبه ی عشق وشکوه میر عاشورایه باخ
پا پیاده یول گئدن عشاقیده نجوایه باخ
آچ بصیرت گوزلرین زوّاره بیر ایله نظر
هانسی عشق آیا وئریب عالمده بو نوعی ثمر
.
.
شکر لله بو حماسه شیعیه عزّت وئریب
انسجام و وحدت وهم قوّت وقدرت وئریب
دشمنه اما پیام خواری ووذلت وئریب
آدم عصریندن جهاندا یوخ بئله شور وحضور
شیعه نین باشی اوجالسون لطف ائدیب حیّ غفور
.
.
ددیللری مجنون ائدیبدی داستان کربلا
سسلنیر چاووش عشق ای عاشقان کربلا
تئز گلین چکدی قطاری ساربان کربلا
قافله دوشدی یولا ای شیعه لر آگاه اولون
همقطار وهمسفر با ذکر بسم الله اولون
.
.
یولّانون یول بیر اولاق بو یولدا همت ایلیاق
جمع اولاق بیر بیرق آلتدا حسّ وحدت ایلیاق
کربلا سلطانینه عرض ارادت ایلیاق
همنوا وهمصدا هردم دیاق لبیک حسین
تا بساط کفر اولا بر هم دیاق لبیک حسین
.
.
سسلیر هل من ناصر ینصرنی .الاندا حسین
ایستیور یار ومعین یالقوزدی میداندا حسین
ئولمیوبدی زنده دی هر عصر ودوراندا حسین
قیل حمایت شاه عطشانه دئنن لبیک حسین
وئر صدا شاه شهیدانه دئنن لبیک حسین
.
.
کربلاده اولمادوق عرض ایله عاشورا گونی
اولدی آل اللهه اول گون محشر کبری گونی
تک قالوبدی عرصه ده اول محنت عظما گونی
اولدی گر یئتمیش نفر یوم بلاده یاوری
ایندی واردور نئچه میلیون کربلاده لشگری
.
.
رتبه ده یئتمیش نفر عالم بویی ممتاز اولوب
جان به کف عاشقلری اهدافینه جانباز اولوب
ایندی میلیون لار نفر بو مکتبه سرباز اولوب
سسلنوللر یا حسین دیللر دولی احساسیدی
بیر سپاه عشقیدیرکی سر سپاه عباسیدی
.
.
شکر ائدین دیللر بو یولدا عشقیله مانوس اولوب
قطره لر رود اولدی باهم وصل اقیانوس اولوب
دشمن نادان گوروب بو وحدتی مایوس اولوب
شوره گتدی عالمی چون بو حماسه بو حضور
آز قالوبدی عالمی روشن ائده صبح ظهور
.
.
#اربعین_علیرضا_عباسی
#یانمشام_پروانه_تک_هر_آن_حسینین_عشقینه
#ترکی
.
✍️ #زبدةالاشعار ✍️
.
🆔: @nohe_torki

متن پیشنهادی:  یابن زهرا ای جهاندا اقتدارین صاحبی #مهدیه_مصیبی_تبریزی

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی